Croeso i Gwasanaethau Cymdeithasol

Yr ydym yn darparu llawer o whanol wasanaeth i llawer helaeth o bobl, gan gynnwys:

• plant a theuluoedd;
• pobl anabl;
• pobl sydd ag anabledd dysgu;
• pobl hŷn;
• pobl gyda phroblem iechyd meddwl;
• pobl sydd â phroblemau gyda’u golwg, sy'n fyddar neu'n drwm eu clyw;
• pobl sy’n camddefnyddio cyffuriau neu alcohol; a
• phobl sy’n gofalu am rywun.

Dros y flwyddyn i ddod byddwn yn datblygu ein ffocws ar ganlyniadau pobl sy'n defnyddio eich gwasanaethau. Mae hyn yn golygu y byddwn yn ystyried y gwahaniaeth a wnawn i fywydau pobl. Byddwn yn talu sylw arbennig at y canlyniadau a nodwyd yn 'Bywydau Bodlon, Cymunedau Cefnogol' sy’n amlinellu’r cynllun 10 mlynedd ar gyfer gwasanaethau gofal cymdeithasol ar draws Cymru.  Os byddwn yn cyflawni Gweledigaeth y Gyfarwyddiaeth, bydd hyn yn helpu sicrhau bod pobl Sir Ddinbych:

• yn mwynhau gwell iechyd ac yn hapusach;
• mor annibynnol ag y bo modd;
• yn mwynhau sicrwydd ariannol;
• yn cael dweud eu dweud ar faterion sy’n  effeithio ar eu bywydau a bydd eu barn yn cael ei chymryd i ystyriaeth;
• yn cael defnydd cyfartal o wasanaethau yn seiliedig ar yr asesiad o’u hanghenion a byddant yn gallu cael at dai fforddiadwy, o ansawdd da;
• aros yn ddiogel, yn enwedig plant ac oedolion hawdd eu niweidio;
• yn gwireddu eu potensial llawn ac yn mwynhau bywyd;
• yn mwynhau amgylchedd gwell a chymryd rhan o fewn eu cymuned leol;
• yn medru gwella eu sgiliau gan greu gweithlu hapus ac iach gyda'r sgiliau priodol i wneud y gwaith;
• yn medru gweithio'n effeithlon gan ddefnyddio adnoddau megis eiddo a thechnoleg yn effeithlon.

I gael gwybod a allwn ni helpu, cysylltwch â ni os gwelwch yn dda.  Os na ellwch chi gysylltu â ni eich hun, gofynnwch i berthynas neu ffrind wneud hynny ar eich rhan, neu llenwch y ffurflen gyfeirio ar-lein, dan Gwnewch o Ar-lein (uchod).

Os ydych angen cymorth brys y tu allan i oriau swyddfa (5pm i 9am), ffoniwch Wasanaeth Gwaith Cymdeithasol Brys Sir Ddinbych, ar 0845 05 33 116

Dyma'r Strategaeth Cyfathrebu ar gyfer Gwasanaethau Cymdeithasol a Thai. Mae ein nodau ar gyfer 2007-10 o safbwynt cyfathrebiadau’n cyfarwyddiaeth wedi eu hamlinellu yn y strategaeth hon, fel y mae ein hamcanion cyffredinol.  Mae’r cynllun gweithredu ym mhob adran yn dynodi sut y byddwn ni’n cyflawni’n nodau a chaiff ei adolygu’n flynyddol.