Rhoi adborth ar y tudalen hon
Dysgu Gydol Oes
Darparwn gyngor a chynrychiolaeth gyfreithiol i’r Gyfarwyddiaeth Dysgu Gydol Oes, yn arbennig ar faterion yn ymwneud â gwasanaethau Addysg. Rydym yn trin apeliadau Derbyn a Gwahardd ac erlyniadau rhieni y mae eu plant yn peidio â mynychu ysgol.
Rydym hefyd yn cynghori’r Awdurdod, Ysgolion a Llywodraethwyr ar amrywiol faterion megis contractau ysgol; iechyd a diogelwch addysg; penodi Llywodraethwyr; addysg ôl-16; cludiant ysgolion a nifer o bynciau eraill.
Gwasanaethau Cymdeithasol
Darparwn gefnogaeth a chyngor cyfreithiol i’r Adran Gwasanaethau Cymdeithasol. Rydym wedi ein hisrannu’n:
(i) Gwasanaethau Plant a Theuluoedd
Y Gwasanaeth hwn yw’r maes gwaith uchaf ei broffil/risg y mae’r uned hon yn ei drin. Ar ran y gwasanaethau cymdeithasol rydym yn cychwyn achosion i gael Gofal ac yn cynghori ar achosion lleoliadau mabwysiadu, sy’n dra sensitif a chyfrinachol. Mae’r gwaith yn cynnwys gwrandawiadau Llys; cynadleddau Achos; Cyfarwyddo Bargyfreithwyr, yn ogystal â mynychu paneli mabwysiadu a maethu sy’n cwrdd yn rheolaidd a’u cynghori.
Cychwynnir achos i gael Gofal ble mae pryder am blentyn a all fod mewn perygl o niwed neu esgeulustod corfforol, rhywiol neu emosiynol. Mae angen i ganlyniad unrhyw achos sicrhau gofal parhaol i blant boed hynny gydag aelodau agosaf y teulu, gofal maeth neu fabwysiadu.
(ii) Gwasanaethau Oedolion ac Iechyd Meddwl
Rydym yn cynghori gwasanaethau oedolion mewn perthynas â bobl hŷn, y rheini gydag anawsterau dysgu / gwasanaethau oedolion arbenigol, iechyd meddwl, gofal iechyd GIG parhaus, amddiffyn oedolion bregus, codi pris am lety a chynghori ar ddeddfwriaeth newydd a materion polisi a chyfarwyddyd.
Mae hyn yn cynnwys ymchwilio i ddeddfwriaeth iechyd meddwl a gofal yn y gymuned / cyfraith achosion yn fanwl a chynghori Gweithwyr Cymdeithasol a Rheolwyr o fewn gwasanaethau oedolion gyda chyfarfodydd amlddisgyblaethol i geisio datrys materion dyrys rhwng y Gwasanaethau Cymdeithasol, Iechyd a defnyddwyr Gwasanaethau a mynychu’r cyfarfodydd hynny hefyd.