Rhoi adborth ar y tudalen hon

Newyddion x2

Cynllun Casglu x2 – Rhuddlan, Prestatyn, Y Rhyl & Dyserth

Rydym yn falch o ddweud y caiff y cynllun casglu bob pythefnos (a elwir yn gynllun x2) ei ymestyn i  5,000 o gartrefi eraill yn Sir Ddinbych yr haf yma.

Caiff cartrefi yn y Rhyl, Prestatyn, Rhuddlan a Dyserth ddwy gist olwyn yn ogystal â chynhwysyddion ailgylchu. I'r rhan fwyaf hwn fydd y tro cyntaf iddynt dderbyn casgliad o ddefnyddiau i'w hailgylchu . Bydd preswylwyr yn fuan yn gallu ailgylchu poteli gwydr, papurau, cylchgronau,  tuniau, caniau a photeli plastig.

Sut fydd y cynllun yn gweithio

Bydd y gist olwyn werdd yn cael ei gwagio un wythnos a’r gist olwyn lwyd sy'n cynnwys sbwriel na ellir ei ailgylchu, yr wythnos ddilynol. Gwneir hyn er mwyn annog mwy o bobl i ailgylchu mwy o’u sbwriel. Nid yw anfon ein holl wastraff i safleoedd tirlenwi bellach yn ddewis.  Mae’n dod yn gynyddol ddrud ac mae’r Llywodraeth wedi gosod targed sy’n golygu bod rhaid i ni anfon llai o’n gwastraff i'r safleoedd tirlenwi.

Rydym yn dal i fod yn y cyfnod cynllunio a'r tro hwn ni allwn gadarnhau pob stryd sydd i'w gynnwys yn y cyfnod hwn o'r cynllun  x2.  Os nad yw eich stryd chi ar y rhestr isod, agorwch i weld gan y byddwn yn diweddaru'r rhestr hon wrth symud ymlaen.

Os oes gennych unrhyw gwestiynau am yr ymgyrch x2 ffoniwch 01824 706100 neu e-bostiwch canolfangwasanaethcwsmer@sirddinbych.gov.uk