Rhoi adborth ar y tudalen hon

Cynghorion gyrru gofalus yn y gaeaf

Dylech yrru’n ddiogel yn unol ag amodau’r tywydd bob amser, p’un ai yw’r ffordd wedi ei graeanu ai peidio.

Eich Cerbyd:

• Cliriwch y rhew a’r eira oddi ar bob ffenestr.  
•  Peidiwch â chychwyn nes bo’r gwresogydd wedi clirio’r holl wydr mewnol. 
• Cadwch chwistrell toddi rhew yn y cerbyd.  Stopiwch (mewn man diogel) a’i ddefnyddio os oes angen.
•  Rhowch hylif golchi’r ffenestr flaen sy’n gweithio ar dymheredd isel yn y dŵr golchi’r ffenestr flaen. 

Eich Taith:

Cychwynwch yn gynharach er mwyn caniatáu ar gyfer:

• Cyflymder arafach.  
• Oedi posibl oherwydd damweiniau.  
• Y posibilrwydd o un lôn o draffig ar ffyrdd deuol oherwydd eira. 
• Gadewch fwlch hirach na’r arfer rhyngoch chi a’r cerbyd o’ch blaen, yn enwedig pan fo rhew neu eira ar y ffyrdd. 
• Breciwch a chyflymwch yn fwy ysgafn ar arwynebau gwlyb, rhewllydd neu ag eira arnynt. 
• Defnyddiwch eich goleuadau blaen mewn niwl, glaw trwm neu pan fo eira’n disgyn. 
• Defnyddiwch eich goleuadau niwl ôl mewn niwl neu pan fo eira’n disgyn OND NID
• MEWN GLAW a diffoddwch y goleuadau yma gynted ag y bo amodau’r tywydd yn caniatáu. 

Gwiriwch:

• Fod yr holl oleuadau, yn cynnwys goleuadau troi, yn gweithio ac yn lân. 
• Fod gan pob teiar ddyfnder da (yr isafswm cyfreithlon yw 1.6mm) a bod y pwysedd aer ynddynt yn gywir. 
• Bod y batri mewn cyflwr da (mae’r rhan fwyaf o achosion o dorri i lawr yn y gaeaf yn deillio o broblem drydanol).  

Cynghorion i chi:

• Rhowch ddigon o amser i chi eich hun baratoi eich cerbyd cyn cychwyn ar eich taith. 
• Gall gyrru mewn tywydd gwael fod yn flinedig iawn – byddwch yn barod i stopio a gorffwyso yn amlach yn ystod eich taith. 
• Gwnewch yn siwr fod gennych chi ddillad ‘tu allan’ gyda chi rhag ofn bod rhaid i chi fynd allan o’ch cerbyd. 
• Byddwch yn wyliadwrus am ddefnyddwyr ffyrdd sy’n agored i niwed – rydych chi’n rhannu cyfrifoldeb am eu diogelwch.   

Rhowch ddigon o amser a lle i chi eich hun – eich nod yw cyrraedd yn ddiogel – gwireddwch hynny!