Rhoi adborth ar y tudalen honCeisiadau Digartrefedd Ffurfiol
Ymdrinnir â phob achos o ddigartrefedd yn unigol ac er mwyn i wybodaeth gael ei chywain am eich amgylchiadau fe ofynnir i chi fynychu cyfweliad gyda’r Swyddog Asesu Digartrefedd. Yn ystod y cyfweliad hwn fe ofynnir i chi am wybodaeth er mwyn canfod a ydych chi’n:
- Teilyngu cymorth
- Yn ddigartref
- Ag angen sy’n haeddu blaenoriaeth
- Yn fwriadol ddigartref
- Â chysylltiadau lleol
Yn teilyngu cymorth
Gan fwyaf, mae hyn yn ymwneud â’r sawl sydd wedi bod yn byw dramor.
Digartref
Diffinnir hyn, yn ôl y gyfraith, fel bod heb lety y mae gan ddeiliad hawl i drigo ynddo un ai’n gyfredol nau am lai nag 28 niwrnod. [Felly, hyd yn oed os oes gan rywun Rybudd i Ymadael, nid yw hynny’n golygu eu bod yn ddigartref]
Ag angen sy’n haeddu blaenoriaeth
Dim ond i bobl a ddiffinnir fel rhai sydd ag angen sy’n haeddu blaenoriaeth y mae gan y Cyngor ddyletswydd i ddarparu llety, hyd yn oed os mai llety dros dro yw hwnnw.
Gallwch fod ag angen sy’n haeddu blaenoriaeth os ydych chi:
- yn feichiog
- â phlant dibynnol yn byw gyda chi
- yn analluog i ddod o hyd i dŷ am eich bod yn ddifrifol wael
neu’n wirioneddol anabl - yn ddigartref oherwydd tân neu lifogydd
- yn 16 neu’n 17 oed
- yn gadael y lluoedd arfog
- wedi eich rhyddhau o’r carchar a heb do uwch eich pen
Yn fwriadol ddigartref
Bydd y Cyngor yn ymchwilio unrhyw weithred a arweiniodd at lety yn cael ei golli [e.e. Adfeddiant Morgais] neu unrhyw gamau rhesymol na chafodd eu cymryd, a hynny’n fwriadol [e.e. Budd-daliadau y gellid eu hawlio ond na wnaed cais amdanynt]
 chysylltiadau lleol
Bydd ail-leoli tymor hir mewn tŷ yn dibynnu ar y cyfan o’r uchod ac ar gysylltiad lleol gyda Sir Ddinbych. Diffinnir cysylltiad lleol fel preswyliad o chwe mis o’r deuddeg mis blaenorol yn y Sir neu dair blynedd o’r pum blwyddyn flaenorol, swydd barhaol, neu fod â theulu agos wedi bod yn byw yn yr ardal am fwy na phum mlynedd.
Dylid nodi:
Mae cyfraith digartrefedd yn gymhleth iawn ac felly mae’n amhosibl rhoi mwy nag amlinelliad byr ar y tudalennau hyn.