Rhoi adborth ar y tudalen hon

Tai Lleol i Bobl Leol !

Erioed wedi meddwl:

‘Allwn i byth fforddio fy nghartref fy hun’

Ddim yn Gwybod Beth Mae Hyn i Gyd yn ei Olygu?  Gadewch i mi esbonio ………

Gall Perchnogaeth Tai yn Rhad fod ar sawl ffurf.  Mae yna dair ffordd i brynu i mewn neu berchnogi eich eiddo eich hun. 

Perchnogaeth a Rennir:  Prynwch gyfran o eiddo newydd neu eiddo arall gan Gymdeithas Tai.   Dowch chi o hyd i forgais neu gyllid ar gyfer rhwng 40% a 75% o werth y farchnad gyfredol a thalu rhent fforddiadwy i’r Gymdeithas ar y gweddill.  Fe ystyrir y tŷ yn eiddo i chi a chi fydd yn gyfrifol am drwsio a chynnal a chadw’r eiddo.  Fe allwch, yn y dyfodol, brynu mwy o’ch cartref a thalu llai o rent, gan esgyn fesul gris nes eich bod wedi cyrraedd 100% ac yn berchen ar eich cartref eich hun. 

Prynu:  Rydych yn dewis eiddo ar y farchnad agored a chan ariannu 70% o bris y farchnad fe allwch dderbyn benthyciad o 30%  tuag at y gost.  Ni fyddwch chi’n talu dim tuag at y benthyciad am gyn hired ag y byddwch chi’n aros yn yr eiddo.  Yn y dyfodol os byddwch chi am werthu’r eiddo am bris y farchnad gyfredol,  yna fe fyddwch yn talu’r 30% yn ôl a gwneud proffid ar eich 70% gobeithio.

Perchnogaeth Tŷ yn Rhad:
Mae’r eiddo newydd sbon hyn wedi eu rhoi ar ddisgownt dan gynllun y llywodraeth ac fe’i gwerthir i bobl sydd ar Restr Aros CLlCT am ffracsiwn o’u gwerth ar y farchnad gyfredol.  Fe ddylai unrhyw ddatblygiad newydd yn eich ardal chi sydd dros 3 uned yn eu maint fod â chanran o unedau fforddiadwy yn eu plith i’w cynnig i bobl ar restr aros yr CLlCT.  Fe allai mai CHI fyddai’r person hwnnw!

Am wybod mwy ? …… 

Cysylltwch â’r Tîm Tai Fforddiadwy yng Nghymdeithas Tai Clwyd ar 0845 2303140 i’ch rhoi ar restr yr CLlCT neu i gael rhagor o wybodaeth ynglŷn â sut i ddringo ar yr ysgol dai. 

Glywsoch chi am gynllan prynu cost isel Sir Ddinbych (pdf, 125.55 KB)   Glywsoch chi am gynllan prynu cost isel Sir Ddinbych

I arrdangos ac argraffu ffeiliau PDF, mae angen i chi gael Adobe® Acrobat® Reader wedi ei fewnosod.

Cliciwch ar y logo Adobe i lawrlwytho'r meddalwedd

I gael golwg ar a phrintio ffeiliau Microsoft Word, rhaid cael yntau Microsoft Word ar y cyfrifiadur neu medrwch lwytho i lawr meddalwedd ‘Microsoft Word Viewer’ am ddim.

Cliciwch ar y logo i lwytho i lawr y meddalwedd.