Beth yw'r Panel Maethu?

Unwaith mae eich asesiad wedi ei gwblhau, cewch wahoddiad i gyfarfod y panel.

Mae'r Panel Maethu yn cynnwys deg aelod ar y mwyaf, a fydd yn cynnwys:

• Cadeirydd Annibynnol
• Aelod Etholedig (cynghorydd lleol
• Ymgynghorydd Meddygol yr asiantaeth
• Dau Weithiwr Cymdeithasol (un gyda phrofiad lleoliadau teuluoedd ac un gyda phrofiad gofal plant)
• O leiaf tri o bobl annibynnol gyda phrofiad o faethu/fabwysiadu (naill ai'n bersonol neu'n broffesiynol)

Bydd Ymgynghorydd y Panel, ac mewn rhai achosion, Ymgynghorydd Cyfreithiol yr asiantaeth hefyd yn bresennol.

Mae'n bwysig eich bod yn mynychu ac mae'n debygol y byddwch yn cael eich holi ynglŷn â'ch asesiad a hefyd ynglŷn â'n gwasanaeth ni i chi. Byddwch yn cael cyfle i holi'r panel. Ar ôl y cyfarfod, bydd y panel yn trafod eich cais ac yn gwneud argymhelliad.

Byddwch yn cael eich hysbysu ar lafar o argymhelliad y panel o fewn 24 awr a bydd angen cymeradwyo'r argymhelliad hwn gan y person sy'n cymryd penderfyniadau o fewn yr asiantaeth.

Mae'n annhebygol, ond yn bosibl, y byddwch yn anghytuno gydag argymhelliad y panel, ac mae gennych hawl i anfon cyflwyniad ysgrifenedig naill ai:

• I'w ystyried ymhellach gan banel yr asiantaeth, neu
• Yn gofyn am arolwg o'r argymhelliad gan banel annibynnol a elwir gan Lywodraeth Cynulliad cymru.

Os hoffech ddysgu mwy am faethu, ffoniwch ein llinell rhadffôn ar 0800 7313215