Mae cariad at lyfrau yn rodd am oes

Sut i rannu llyfrau gyda babis a phlant bach

Paratowch! Dewiswch le clyd, tawel a llyfr, rigwm neu gân y byddwch chi a’ch babi yn ei fwynhau. Peidiwch â phoeni os ydych yn teimlo’n swil ar y dechrau. Fe ddewch yn well wrth ymarfer.

Mae babis yn hoffi swn eich llais felly diffoddwch y teledu neu’r radio fel eu bod yn gallu eich clywed.

Ceisiwch arfer rhannu llyfr bob dydd. Ond, os ydi eich babi wedi diflasu neu’n anniddig, rhowch dro arni eto pan mae o/hi mewn gwell hwyliau.

Pwyntiwch at y lluniau a siarad am y pethau mae eich babi yn eu hadnabod. Dewiswch bethau cyfarwydd (fel ci neu bêl, er enghraifft) a bydd hyn yn datblygu dealltwriaeth y babi o eiriau.

Yn fuan iawn bydd eich babi yn dysgu am lyfrau – cychwynnwch yn y blaen a throi’r tudalennau i gadw’r stori i fynd. Yn fuan iawn bydd eich babi yn troi’r tudalennau ac yn ceisio siarad.

Nid yw union eiriau’r stori yn bwysig. Hyd yn oed os nad ydych yn ddarllennydd da, eich llais a’ch agosatrwydd sy’n bwysig felly peidiwch â phoeni!

Defnyddiwch leisiau doniol a synnau gwahanol, chwaraewch a cheisiwch gael hwyl! Mae babis wrth eu bodd yn cael eu cosi a’u bownsio i rhythm rhigwm neu stori.

Mae babis wrth eu bodd yn clywed yr un stori drosodd a thro. Mae’n eu helpu i gofio beth sy’n dod nesaf.

Cofiwch, nid ar gyfer amser gwely yn unig y mae llyfrau, felly ewch â llyfr gyda chi i siopa neu yn y car.

Mae eich llyfrgell leol yn croesawu babis a phlant bach, ac mae llawer o lyfrau addas yno i’w benthyg yn rhad ac ddim.

Cynhelir sesiynnau stori arbennig ar gyfer babis plant bach yn rheolaidd. Am ragor o wybodaeth ynglyn â Dechrau Da ffoniwch eich llyfrgell leol neu 01824 708218