Rhoi adborth ar y tudalen hon

Trethdalwr y Cyngor

Bydd yna un bil Treth y Cyngor ar gyfer pob eiddo domestig. Bydd y perchen-breswylydd neu’r tenant preswyl (yn cynnwys tenant cyngor) yn gorfod talu’r dreth fel rheol. Y sawl sy’n gyfrifol am dalu fydd y sawl gyda’r prif fudd yn yr eiddo, ac sy’n dod uchaf yn y rhestr ganlynol:-

• rhydd-ddeiliad preswyl, megis perchen-breswylydd;
• lesddeiliad preswyl;
• tenant preswyl statudol neu sicr, megis tenant cyngor neu denant preifat;
• tafarnwr preswyl;
• preswylydd heb unrhyw deitl cyfreithiol;
• perchennog yr eiddo ble nad oes dim preswylwyr.

‘Preswylydd’ yw rhywun 18 oed neu drosodd sy’n byw yn yr eiddo fel eu prif neu unig breswylfa. Y ‘perchennog’ yw’r sawl gyda’r budd rhydd-ddaliadol yn yr eiddo, neu sydd â phrydles o chwe mis neu fwy.

Bydd pobl sy’n gydberchenogion neu’n gyd-denantiaid yn gyfrifol ar y cyd am yr un bil Treth y Cyngor. Bydd gwþr a gwragedd, neu bobl sy’n byw gyda’i gilydd fel y cyfryw, hefyd yn gyfrifol ar y cyd am dalu’r bil. Hyd yn oed er y gall fod cyfrifoldeb ar y cyd am dalu, fe all bil fod wedi’i gyfeirio mewn un enw yn unig.
       
Os byddwch yn newid eich cyfeiriad a wnewch chi gwblhau a dychwelyd y ffurflen amgaeëdig os gwelwch yn dda i’n hysbysu o:-

• y dyddiad y bu ichi symud;
• eich cyfeiriad newydd;
• enw(au) y deiliad(deiliaid) newydd os yn hysbys.

A wnewch chi ddyfynnu eich rhif cyfrif Treth Cyngor os gwelwch yn dda.

Fe fydd yna eiddo ble bydd y perchennog, yn hytrach na’r preswylwyr, yn gyfrifol am dalu, sef:-

• Tai amlbreswyliaeth, hynny yw ble nad yw’r preswylwyr yn ffurfio un teulu a ble maent yn talu eu  rhent ar wahân am wahanol rannau o’r eiddo.
• Cartrefi gofal preswyl neu gartrefi nyrsio, a rhai mathau o hosteli  sy’n darparu gofal.
• Cymunedau Crefyddol.
• Eiddo y mae’r perchennog yn byw ynddo o bryd i’w gilydd ac y mae ei staff domestig yn byw
    yno hefyd.
• Eiddo y mae gweinidogion yr efengyl yn byw ynddo, fel preswylfa o ble y byddant yn cyflawni
   dyletswyddau’r swydd.
• Eiddo a ddarperir ar gyfer ceiswyr lloches.

Os ydych yn teimlo nad chi ydi’r person sy’n agored i dalu, neu y dylech dderbyn disgownt neu ryddhad, ysgrifennwch at y Gwasanaethau Refeniw ar unwaith os gwelwch yn dda. Mae yna broses apelio i’r Tribiwnlys Prisiant annibynnol mewn achos o anghytundeb.

Ffurflen Newid Amgylchiadau (pdf, 5.70 KB)   Ffurflen Newid Amgylchiadau

I arrdangos ac argraffu ffeiliau PDF, mae angen i chi gael Adobe® Acrobat® Reader wedi ei fewnosod.

Cliciwch ar y logo Adobe i lawrlwytho'r meddalwedd

I gael golwg ar a phrintio ffeiliau Microsoft Word, rhaid cael yntau Microsoft Word ar y cyfrifiadur neu medrwch lwytho i lawr meddalwedd ‘Microsoft Word Viewer’ am ddim.

Cliciwch ar y logo i lwytho i lawr y meddalwedd.