Rhoi adborth ar y tudalen hon

Bandiau Treth y Cyngor

Rhaid rhoi pob annedd yn un o wyth band at ddibenion Treth y Cyngor.  Wrth brisio eiddo y cwestiwn i'w ofyn yw, "Am faint fyddai'r annedd wedi gwerthu ar 1/4/2003?"

Bandiau Treth y Cyngor

Band A hyd at £44,000
Band B £44,001  i   £65,000
Band C £65,001  i   £91,000
Band D £91,001  i   £123,000
Band E £123,001  i   £162,000
Band F £162,001  i £223,000
Band G £223,001  i £324,000
Band H £324,001 i £424,000
Band I £424,001  a throsodd

Cynigion i newid y rhestr brisio

Mae rhestr brisio sy'n dangos pob annedd a'i fand yn bodoli ar gyfer ardal pob Awdurdod Bilio.  Gellwch gynnig newidiadau i restr brisio mewn perthynas â'ch cartref mewn ychydig o amgylchiadau.

Dyma'r amgylchiadau hynny :-

1.  Ble na ddangosir yr annedd ar y rhestr brisio.

2.  Ble dylai'r annedd gael ei dileu oddi ar y rhestr brisio.

3.  Ble bu gostyngiad o bwys yng ngwerth yr annedd.

4.  Ble bu cynnydd o bwys yn y gwerth a gweithrediad masnachol perthnasol diweddarach (lle mae cynnydd o bwys yn  estyniad a lle mae gweithrediad masnachol perthnasol yn golygu gwerthu'r rhydd-ddaliad neu'r brydles)

5.  Ble mae eiddo yn mynd yn eiddo cyfansawdd neu'n peidio â bod felly.

6.  Ble mae cynnydd neu ostyngiad yn nefnydd teuluol eiddo cyfansawdd.

7.  Ble rydych wedi derbyn hysbysiad oddi wrth y swyddog rhestru yn rhoi gwybod ichi ei fod wedi newid y rhestr.

8.  Ble rydych yn ystyried nad yw'r swyddog rhestru wedi cymryd penderfyniad perthnasol tribiwnlys prisio neu'r Uchel Lys i ystyriaeth.

9.  Os ydych yn drethdalwr newydd mewn perthynas ag annedd fe ellwch wneud cynnig i newid y rhestr brisio o fewn 6 mis ichi ddod yn drethdalwr.

AM RAGOR O WYBODAETH AC I ATEB YMHOLIADAU FFONIWCH ASIANTAETH Y SWYDDFA BRISIO AR WRECSAM (01978) 200000