Rhoi adborth ar y tudalen honLwfans Tai Lleol – tenantiaid sy’n agored i niwed
Fe rheol fe delir Lwfans Tai Lleol i’r tenant. Ni all y tenant benderfynu i’w Lwfans Tai Lleol gael ei dalu i’r landlord. Ond fe allwn dalu Lwfans Tai Lleol i’r landlord os penderfynwn fod tenant yn agored i niwed.
Beth mae agored i niwed yn ei olygu?
Mae agored i niwed yn golygu rhywun sydd efallai’n cael trafferth i reoli eu harian. Nid yw hyn yn golygu rhywun sydd ddim eisiau talu rhent.
Pwy sy’n penderfynu pwy sy’n agored i niwed?
Y cyngor sy’n penderfynu os yw tenant yn agored i niwed. Mae’n rhaid i ni gael tystiolaeth na all y tenant reoli ei arian. Fel rheol mae’n rhaid i’r dystiolaeth fod yn ysgrifenedig. Mae’r bobl a all roi tystiolaeth yn cynnwys:
• Y tenant
• Ffrindiau a theulu’r tenant
• Y landlord
• Grwpiau lles (yn cynnwys cynghorwyr ariannol)
• Gwasanaethau Cymdeithasol
• Meddyg Teulu
• Swyddogion prawf
• Canolfan Waith Plus
• Y Gwasanaeth Pensiwn.
Fe wnawn gydweithio â’r tenant i wneud ein penderfyniad.
Pwy all fod yn agored i niwed?
Mae yna lawer o resymau pam na all rhywun reoli eu harian. Fe all tenant sy’n agored i niwed fod yn rhywun sydd:
• â phroblemau dyledion garw;
• â dedfryd Llys Sirol ddiweddar yn eu herbyn;
• yn fethdalwr heb ei ryddhau;
• yn analluog i agor cyfrif banc neu gymdeithas adeiladu;
• â’u Cymhorthdal Incwm neu Lwfans Ceisio Gwaith yn cael ei dalu’n uniongyrchol i’r cwmni nwy, trydan neu ddŵr gan yr Adran Gwaith a Phensiynau;
• yn derbyn cymorth Cefnogi Pobl;
• yn derbyn cymorth gan elusen ddigartrefedd.
Fe allwn ystyried a yw’r tenant yn agored i niwed os yw’r tenant:
• ag anawsterau dysgu;
• â salwch sy’n eu rhwystro i ddygymod o ddydd i ddydd;
• yn methu darllen Saesneg;
• yn methu siarad Saesneg;
• yn gaeth i gyffuriau, alcohol neu amblo;
• yn ddigartref.
Efallai fod yna resymau eraill pam fod rhywun yn agored i niwed. Gofynnwch i ni am fwy o wybodaeth. Mae manylion ar sut i gysylltu â ni i’w cael ar waelod y ddalen hon.
Gwneud penderfyniad
Unwaith y byddwn wedi casglu tystiolaeth fe benderfynwn cyn gynted ag sydd bosib a yw’r tenant yn agored i niwed. Fe ddaliwn i dalu Lwfans Tai Lleol i’r tenant tra byddwn yn gwneud ein penderfyniad. Fe hysbyswn y tenant ei fod yn agored i niwed. Fe ysgrifennwn at y tenant i esbonio’r penderfyniad.
Adolygiadau ac apeliadau
Os bydd y tenant neu’r landlord yn anghydweld â’n penderfyniad gallant apelio. Mae’r rheolau ynglŷn â hyn yr un â’r rheolau ar gyfer Budd-dal Tai. Gofynnwch i mi am ragor o wybodaeth. Ceir manylion am sut i gysylltu â ni ar waelod y ddalen hon.
Gallwn edrych ar y penderfyniad eto. Gelwir hyn yn adolygiad. Fel rheol bydd hyn yn digwydd wedi cyfnod cytûn.
Cyngor ariannol
Gall tenantiaid gael help i reoli eu harian gan sefydliadau fel Cyngor ar Bopeth