Rhoi adborth ar y tudalen honMae Cyngor Sir Ddinbych wedi adolygu ei gynlluniau am fesurau arafu traffig ar hyd Ffordd Bryn Cwnin, y Rhyl ar ôl gwrando ar ymateb a dderbyniwyd yn ystod y cyfnod ymgynghorol.
Yn dilyn ymarfer ymgynghorol a wnaed yn ystod yr haf cafwyd cryn wrthwynebu i'r clustogau cyflymder (hympiau ar y ffordd). O ganlyniad argymhellir cynllun gwahanol.
Cymerwyd y clustogau allan o'r cynlluniau a bydd y cynllun yn awr yn cynnwys marciau lliw toredig yn y canol, ynys traffig a dau arwydd cerbydau (vehicle activated signs). Bydd yr arwyddion hyn yn gyffelyb i rai ar Ffordd Rhuddlan.
Caiff y cynllun ei ymestyn ar hyd holl Ffordd Bryn Cwnin.
Mae Cynghorwyr Sir de'r Rhyl, Cynghorwyr Jeanette Chamberlain-Jones a Thomas Hodgson yn defnyddio eu holl ddyraniad cronfa Aelodau i dalu am y prosiect.
Bydd y Cyngor yn ymgynghori hefo preswylwyr Ffordd Bryn Cwnin a hefo Cyngor Tref Y Rhyl, cwmnïau bysiau a'r gwasanaethau argyfwng.
Anfonwch unrhyw sylwadau at Mike Jones, Adran Traffig, Cyngor Sir Ddinbych, Caledfryn, Ffordd y Ffair, Dinbych, LL16 3RU. Y dyddiad cau yw 7fed Rhagfyr, 2007.