Os ydych chi’n cael trafferthion gyda’ch gwaith cartref, beth am droi at eich llyfrgell leol am gymorth?  Mae gan y gwasanaeth llyfrgell amrediad eang o lyfrau i’ch helpu.  I weld pa rai sydd ar gael edrychwch ar ein catalog ar-lein – os na fedrwch ddod o hyd i’r hyn rydych chi’n chwilio amdano, mae’n bosibl y gallwn ei archebu ar eich cyfer.  Os ydych yn aelod o’r llyfrgell gallwch ddefnyddio eich cerdyn llyfrgell a’ch rhif PIN i weld:  

Britannica Junior / Britannica Student
Fersiwn electronig ar-lein y gwyddoniadur i blant a phobl ifanc.

The Oxford English Dictionary
Y geiriadur mwyaf yn y byd yn cynnwys mwy na 600,000 o eiriau!

Oxford Reference online
Ffeithiau, ffigyrau, diffiniadau a chyfieithiadau o gannodd o lyfrau, y cyfan mewn un lle.  

Os ydych chi’n riant plentyn saith i unarddeg oed sydd wedi cael gwaith cartref yn Gymraeg, ac nad ydych yn sicr ynghylch yr eirfa neu’r ramadeg, ffoniwch y Llinell Gymorth Gwaith Cartref: 0871 230 0029, neu anfonwch neges e-bost: cymorth@galw.org.