Tueddiad Rhywiol
Rheoliadau deddf cydraddoldeb mynediad i nwyddau, cyfleusterau a gwasanaethau (tueddiad rhywiol) 2007
Mae Rhan 3 Deddf Cydraddoldeb 2006 wedi darparu rheoliadau ychwanegol at warchod yn erbyn gwahaniaethu ar dir crefydd neu gred i gynnwys tueddiad rhywiol. Mae hyn yn galluogi gwarchod yn erbyn gwahaniaethu ar dir tueddiad rhywiol (a dybir neu sy'n wir):
• Wrth ddarparu nwyddau, cyfleusterau, gwasanaethau, addysg
• Wrth ddefnyddio adeiladau
• Wrth wneud dyletswyddau cyhoeddus
Ymhellach i hyn daeth Rheoliadau Deddf Cydraddoldeb (tueddiad rhywiol) 2007 yn gyfraith ar 30 Ebrill 2007, gan wneud gwahaniaethu yn anghyfreithlon.
Gwahaniaethu ar dir tueddiad rhywiol
O 30 Ebrill 2007 daeth hi'n anghyfreithlon i unrhyw un ddarparu nwyddau, cyfleusterau neu wasanaethau, neu reoli neu gael gwared o eiddo, i wahaniaethu yn erbyn person oherwydd ei dueddiad rhywiol neu dueddiad tybiedig, neu dueddiad rhywiol neu dybiedig rhywun y maent yn cysylltu â nhw.
Mae'r rheoliadau yn gwahardd gwahaniaethu ar sail :
gwir dueddiad rhywiol
tueddiad rhywiol tybiedig y person a / neu ;
tueddiad rhywiol rhywun y mae o / hi yn cysylltu ag o.
Cyflogaeth
Rheoliadau Cydraddoldeb Cyflogaeth (tueddiad rhywiol) 2003
Mae Rheoliadau Cydraddoldeb Cyflogaeth (tueddiad rhywiol) 2003 yn gwarchod cyflogedig rhag gwahaniaethu oherwydd eu tueddiad gwirioneddol neu a dybiedig.
Mae gwahaniaethu yn anghyfreithlon mewn perthynas â :
• recriwtio a dethol
• telerau ac amodau cyflogaeth a gynigir a / neu y gwneir cais amdano
• cyfleoedd am hyfforddiant, yr hyfforddiant ei hun, dyrchafiad a throsglwyddo swyddi
• poendod a fictimeiddio
• sacio gan gynnwys diswyddo
• wedi cyflogaeth, er enghraifft darparu geirda.
Gall y rheoliadau godi sawl cwestiwn:
• A fedr neu a oes raid i gyflogwr fonitro tueddiad rhywiol ymgeiswyr am swydd a'u gweithlu'n gyffredinol?
• Beth mae "teimlad" am dueddiad rhywiol person yn ei olygu?
• Beth yw eithriadau sylweddol?
• A all cydweithiwr crefyddol wrthod gweithio hefo cydweithiwr hoew trwy ddefnyddio Rheoliadau Cydraddoldeb Cyflogaeth (crefydd neu gred) 2003 i'w amddiffyn?
Cynllun Cydraddoldeb y Cyngor Sir
Mae'r gan y Cyngor ddatganiad hynod bositif ar dueddiad rhywiol o fewn y Polisi Cydraddoldeb Corfforaethol ar gyflogaeth a threfnu gwasanaethau.
Mae'r rhaglen "Stonewall Diversity Champion" yn fforwm ymarfer da i gyflogwyr i hyrwyddo cydraddoldeb a thriniaeth deg yn y gweithle i bobl lesbaidd, hoew a deurywiol. Cafodd y cynllun "ganmoliaeth uchel" yng ngwobr Elusen 2006. Mae Cyngor Sir Ddinbych yn awr yn aelod o Stonewall Cymru ac mae un o'n swyddogion wedi bod yn gyd gadeirydd.
Mae'r Cyngor yn hyrwyddo lleoliadau lle gellir cael partneriaeth ddinesig.
(pdf, 628.22 KB)
