I gasglu arian neu werthu eitemau er budd achos elusennol neu bwrpas arall yng Nghymru neu Loegr, mae angen trwydded casgliad stryd gan eich cyngor lleol.
 
Camsyniad cyffredin yw, os cesglir arian ar eiddo preifat, nad oes angen trwydded.  Nid yw casgliad ar eiddo preifat yn eithrio’r angen am drwydded casglu ar stryd o angenrheidrwydd os nad yw mynediad cyhoeddus i’r ardal wedi ei gyfyngu.

Diffiniad “casgliad” yw casgliad arian neu wrthiant eitemau er budd dibenion elusennol.  Mae’r Rheoliadau’n gymwys hefyd os ceir cynrychioliad gan, neu ar ran y gwerthwr fod unrhyw ran o’r elw o’r gwerthiant yn cael ei roi i unrhyw ddiben elusennol.  Mae gwerthu bathodynnau pin yn dod dan y categori hwn.  Nid yw’r Rheoliadau’n gymwys i werthu eitemau pan werthir yr eitemau’n rhan o drefn fasnachu gyffredin.
 
Prif bwrpas y Rheoliadau yw atal casglwyr ffug rhag gweithredu o fewn ardal yr Awdurdod ac i osgoi dirlenwi’r ardal â chasglwyr o wahanol elusennau.  Arfer y Cyngor yw peidio â chaniatáu unrhyw fath o gasgliad ar ardaloedd y Promenâd yn y sir boed hynny i ddibenion elusennol neu ddibenion eraill ac mae’r Cyngor wedi dyfarnu nad oes unrhyw daliad i’w wneud i unrhyw gasglwr.
 
Mae Cyngor Sir Ddinbych yn gweithredu polisi lle caniateir un casgliad stryd yn unig bob wythnos ym mhob tref/cymuned.  Dim ond un casgliad a ganiateir i gymdeithasau ym mhob tref/cymuned o fewn cyfnod o ddeuddeng mis.
 
Oherwydd nifer cyfyngedig y dyddiadau casglu sydd ar gael argymhellir bod cymdeithasau’n cysylltu ag Adran Drwyddedu’r Cyngor i neilltuo dyddiad casglu dros dro cyn cyflwyno cais am gasgliad stryd.

Mae gan y Cyngor ffurflen gais swyddogol ar gyfer casgliadau stryd ac mae’n rhaid ei chwblhau’n llawn a’i chyflwyno i Swyddfa Drwyddedu’r Cyngor o leiaf fis cyn dyddiad y casgliad arfaethedig.  Yna bydd Swyddogion Trwyddedu’n gwneud yr archwiliadau fydd yn angenrheidiol i sicrhau mai dim ond casgliadau dilys a wneir.
 
Mae’n rhaid i Gymdeithasau na ddyrannwyd trwydded iddyn nhw’n flaenorol gan yr Awdurdod hwn, gyflwyno’r wybodaeth ychwanegol ganlynol i gefnogi eu ceisiadau:-
• copi o gyfansoddiad y sefydliad,
• copi o gyfrifon archwiliedig diweddaraf y sefydliad
• manylion casgliadau blaenorol a wnaethpwyd gan y sefydliad (os o gwbl).

Mae Rheoliadau a wnaethpwyd gan Gyngor Sir Ddinbych yn unol ag Adran 5 Deddf  yr Heddlu, Ffatrïoedd (Darpariaethau Amrywiol) 1916, fel y’i diwygiwyd, yn ei gwneud yn drosedd cynnal casgliad ar unrhyw stryd neu le cyhoeddus oni bai fod trwydded wedi ei chael gan y Cyngor ymlaen llaw.
 
Crynodeb o’r rheoliad sy’n ymwneud â’r drwydded hon

Os cymeradwyir cais am gasgliad stryd fe roddir trwydded ynghyd â chopi o Reoliadau Casgliadau Stryd y Cyngor sy’n nodi’r amodau lle caniateir i berson wneud casgliadau.  Cyfeiria’r Rheoliadau at y bobl hynny sy’n gymwys i gasglu a’r ymddygiad a ddisgwylir ganddynt, y bocsys casglu ar gyfer derbyn arian a chyfrif o’r incwm a’r gwariant yn dilyn cynnal casgliad felly.
 
Ystyrir unrhyw dorri Rheoliadau’r Cyngor yn fater difrifol ac fe allai olygu cychwyn camau cyfreithiol.

Na. Mae er lles y cyhoedd fod yn rhaid i’r awdurdod brosesu eich cais cyn ei ganiatáu.  Os na fyddwch wedi clywed gan yr awdurdod lleol o fewn cyfnod rhesymol, cysylltwch ag o.

Ymgeisio i gynnal casgliad elusennol

Hysbyswch ni o ganlyniad casgliad elusennol

Cysylltwch â’r Awdurdod Lleol yn y lle cyntaf.

Cysylltwch â’ch Awdurdod Lleol yn y lle cyntaf.

Byddem yn cynghori bob amser mai chi ddylai wneud y cyswllt cyntaf gyda’r masnachwr os ceir cwyn – a hynny ar ffurf llythyr (gyda phrawf derbyn).  Os na fydd hynny wedi gweithio, os ydych yn y DU, fe wnaiff Cyswllt Defnyddwyr Cymru roi cyngor i chi.  Y tu allan i’r DU cysylltwch â’r UK European Consumer Centre.

E.e. am sŵn, llygredd, etc. Hefyd a ddylai un daliwr trwydded gwyno am un arall.

Dim