Mae’n bosib y bydd angen i unigolion neu fusnesau ymgeisio am drwydded safle er mwyn gallu cynnal un neu fwy o’r gweithgareddau trwyddedadwy canlynol:
• Adwerthu alcohol
• Darpariaeth adloniant rheoledig
• Darpariaeth lluniaeth hwyr y nos (gwerthiannau bwyd poeth a diod) rhwng 11pm a 5am

Mae adloniant rheoledig yn cynnwys y gweithgareddau canlynol:
a) perfformio drama
b) arddangosiad ffilm
c) digwyddiad chwaraeon dan do
d) adloniant paffio neu reslo
e) perfformio miwsig byw
f) chwarae unrhyw fiwsig a recordiwyd
g) perfformio dawns
h) adloniant o ddisgrifiad tebyg i e), f) neu g)

Yr amcanion trwyddedu
Dan y Ddeddf mae yna bedwar o amcanion trwyddedu allweddol sef:
• Atal trosedd ac anhrefn
• Diogelu plant rhag niwed
• Diogelwch cyhoeddus
• Atal niwsans cyhoeddus

Pan fyddwch yn gwneud cais ar gyfer trwydded safle’n arbennig, mae’n rhaid i chi ddangos sut na fydd eich gweithgareddau arfaethedig yn cael effaith wrthwynebus ar yr amcanion trwyddedu. Felly hefyd os bydd unigolion neu fusnesau am wrthwynebu eich cais gallant wneud hynny dim ond ar sail un neu fwy o’r pedwar amcan trwyddedu. Dim ond ar sail un neu fwy o’r amcanion trwyddedu y gall Awdurdodau Cyfrifol (gweler y ddogfen atodol isod) (sy’n gorfod cael copi o’ch cais) hefyd wrthwynebu.

Awdurdodau Cyfrifol
Pan fyddwch yn ymgeisio am drwydded safle bydd angen i chi anfon copïau cyflawn o’ch cais at yr Awdurdodau Cyfrifol.  Y rhain yw’r asiantaethau sydd â phwerau penodedig dan y Ddeddf i hyrwyddo’r pedwar amcan trwyddedu.  Mae rhestr o awdurdodau cyfrifol ar gael ar gais.

Y broses o ymgeisio
Cyn ymgeisio mae angen i chi ystyried pa weithgareddau trwyddedadwy yr ydych am i’ch trwydded safle eu hawdurdodi.  Mae yna ffurflen safonol sydd angen i chi ei defnyddio i wneud cais am un neu fwy o’r gweithgareddau trwyddedadwy.

Mae’n rhaid cyflwyno ceisiadau i awdurdod trwyddedu ar ffurflen safonol gan amgáu’r tâl priodol yn seiliedig ar NRDV y safle.  Mae’n rhaid i’r cais hefyd gynnwys amserlen weithredu, cynllun o’r safle a’r gweithgareddau trwyddedadwy arfaethedig.  Bydd yn rhaid hysbysebu’r cais hefyd y tu allan i’r safle ac mewn papur newydd lleol.

Dyluniwyd y ffurflen ar gyfer llawer o fathau o fusnes felly llenwch yr adrannau sy’n berthynol i’r gweithgareddau’r ydych chi’n dymuno gwneud cais amdanynt.

Os bydd angen i chi wneud cais am drwydded safle sy’n caniatáu gwerthu a chyflenwi alcohol yna mae yna faterion eraill sydd angen i chi ddelio â nhw:
 
1) Bydd arnoch angen daliwr trwydded bersonol i awdurdodi cyflenwad alcohol yn unol â’ch trwydded eiddo, a
2) Bydd angen i chi enwebu goruchwyliwr safle penodol ar eich cais am drwydded safle.  Mae’n rhaid i oruchwyliwr y safle fod yn ddaliwr trwydded bersonol.

Ar dudalen 14 o’r ffurflen gais mae angen i chi ddisgrifio pa gamau byddwch yn eu cymryd i hyrwyddo’r amcanion trwyddedu.  Pan anfonwch gopïau o’ch cais at yr awdurdodau cyfrifol byddant yn edrych ar yr adran hon i wirio a fyddwch wedi cymryd camau digonol i hyrwyddo’r amcanion trwyddedu.
 
Os yw un neu fwy o’r asiantaethau’n anfodlon â chynnwys yr adran hon fe all eich cais dderbyn sylwadau.

Os oes arnoch angen help i gwblhau’r ffurflen gais, cysylltwch â’r Adran Drwyddedu ar 01824 706342 / 01824 706311.
 
Cynllun
Pan fyddwch yn gwneud eich cais bydd angen i chi ddarparu cynllun o’ch safle.  Dylid ei ddylunio ar raddfa sylfaenol o 1:100 gan ddangos yr eitemau canlynol:
• ffin yr adeilad gydag unrhyw waliau allanol neu fewnol;
mynedfeydd ac allanfeydd yr adeilad;
• llwybrau dianc o’r adeilad;
• lleoliadau gwahanol weithgareddau trwyddedadwy yn yr adeilad (os yn berthnasol);
lle cymerir alcohol yn y safle;
• strwythurau gosodedig neu dros dro a allai flocio mynedfeydd neu allanfeydd yr adeilad
• lleoliad ac uchder unrhyw lwyfannau yn y safle; unrhyw stepiau, grisiau, codwyr neu lifftiau yn y safle
• lleoliad unrhyw doiledau cyhoeddus yn yr adeilad
• cyfarpar diogelwch tân neu gyfarpar diogelwch arall e.e. Lleoliad larymau tân, canfodyddion mwg, blancedi tân
• lleoliad cegin

Tâl
Y tâl priodol yn seiliedig ar NRDV y safle.  Gofynnwch am fanylion ar lefel y tâl y bydd angen i chi ei gyflwyno gyda’ch cais.
 

Cyfeiriwch, os gwelwch yn dda, at Wefan Adran Diwylliant, Cyfryngau a Chwaraeon i gael gwybodaeth bellach ar reoliad Deddf Drwyddedu 2003 yn www.culture.gov.uk.

Pan fyddwch yn anfon eich cais at yr Awdurdod Trwyddedu a’r awdurdodau cyfrifol bydd angen i chi wedyn gyflawni cyfnod rhybudd o 28 diwrnod.  Mae hwn yn gyfnod o amser pan hysbysebir eich cais a phan fydd yr awdurdodau cyfrifol a chyfranogwyr eraill fel preswylwyr lleol yn gallu rhoi sylwadau i’r awdurdod trwyddedu am eich cais.

Yn dilyn y cyfnod hwn o 28 diwrnod o rybudd, os na fydd eich cais wedi derbyn unrhyw sylwadau yna fe ganiateir eich trwydded newydd yn amodol ar amodau arbennig yn unig, sy’n gyson â’r mesurau a wirfoddolwyd gennych yn nhudalen 14 eich ffurflen gais ynghyd ag unrhyw amodau gorfodol eraill sydd yn y Ddeddf.

Os derbynnir sylwadau yn ystod y cyfnod o rybudd yna fe aiff eich cais i wrandawiad.

Bydd eich trwydded newydd yn aros mewn grym o ddyddiad ei rhoi ac yn amhenodol.  Bydd tâl yn daladwy a hynny ar ben-blwydd dyddiad caniatau eich trwydded.

Bydd.  Golyga hyn y gallwch weithredu fel pe bai eich cais wedi ei ganiatáu os na fyddwch wedi clywed gan yr awdurdod lleol erbyn diwedd y cyfnod cwblhau targed. Fe fydd angen i chi, fodd bynnag, arddangos Crynodeb o’r Drwydded Safle mewn lle amlwg yn y safle; os na fyddwch wedi derbyn y drwydded hon erbyn diwedd y cyfnod cwblhau targed, cysylltwch â’r Adran Drwyddedu.

Ymgeisio am drwydded safle

Ymgeisio am ddatganiad dros dro

Ymgeisio am ddatgymhwyso Goruchwyliwr Safle Penodol

Dwedwch wrthym am fân newidiadau i’ch safle

Ymgeisio i amrywio eich trwydded safle

Ymgeisio i drosglwyddo eich trwydded safle

Hysbysiad o ddiddordeb mewn safle dan adran 178

Dwedwch wrthym am newid i’ch hysbysiad awdurdod interim presennol

Dwedwch wrthym am newid i’ch cydsyniad presennol i drosglwyddo

Hysbysiad o’ch cais i gael eich dileu fel goruchwyliwr safle penodol

Dwedwch wrthym am newid i’ch cydsyniad presennol i gael eich dynodi

Dwedwch wrthym am newid i’ch cais presennol i amrywio trwydded safle i ddynodi unigolyn fel goruchwyliwr safle dynodedig

Hysbyswch ni o newid enw neu gyfeiriad

Ymestyn neu adnewyddu eich taliad blynyddol

Cysylltwch â’ch Awdurdod Lleol yn y lle cyntaf.
Bydd ymgeisydd a fethodd yn derbyn hysbysiad o wrthod cais am dystysgrif neu amrywiad ar dystysgrif gan yr awdurdod trwyddedu lleol

Os gwrthodwyd cais, gall yr ymgeisydd apelio’r penderfyniad.

Mae’n rhaid gwneud apeliadau i’r Llys Ynadon lleol o fewn 21 diwrnod i’r penderfyniad a apelir.

Cysylltwch â’ch Awdurdod Lleol yn y lle cyntaf.
Os bydd awdurdod trwyddedu lleol yn gwrthod cais am amrywiad gall daliwr y drwydded apelio’r penderfyniad.  Gall daliwr y drwydded apelio yn erbyn penderfyniad i roi amodau ar dystysgrif neu i eithrio unrhyw weithgaredd clwb.  Gellir gwneud apeliadau hefyd yn erbyn amrywiad unrhyw amod.

Gellir apelio yn erbyn penderfyniad adolygiad
Gall clwb apelio yn erbyn tynnu trwydded yn ôl.
Mae’n rhaid gwneud apeliadau i’r Llys Ynadon lleol o fewn 21 diwrnod i’r penderfyniad a apelir.

Byddem yn cynghori, os ceir cwyn, y dylech chi wneud y cyswllt cyntaf â’r masnachwr – mewn llythyr yn ddelfrydol (gyda phrawf derbyn).  Os na fydd hynny wedi gweithio, os ydych wedi eich lleoli yn y DU, fe gewch gyngor gan Consumer Direct. O’r tu allan i’r DU cysylltwch â’r UK European Consumer Centre.

Gall aelod o glwb ofyn am adolygiad o’r dystysgrif.  Bydd yr awdurdod trwyddedu lleol yn rhoi rhesymau am eu hymateb i’r cais mewn hysbysiad.
Gellir apelio yn erbyn penderfyniad adolygiad.
Mae’n rhaid gwneud apeliadau i’r Llys Ynadon lleol o fewn 21 diwrnod i’r penderfyniad a apelir.

Gall unrhyw gyfranogwyr roi sylwadau i’r awdurdod trwyddedu lleol cyn caniatau’r drwydded neu cyn caniatau diwygiadau i’r drwydded.  Os rhoddir sylwadau fe gynhelir gwrandawiad i ystyried y cais a’r sylwadau.  Fe wneir hysbysiadau gan yr awdurdod trwyddedu lleol yn nodi’r rhesymau am unrhyw ganlyniad.  Bydd y cyfranogwyr a gyflwynodd y sylwadau’n derbyn hysbysiad o gais a fethodd.
Cyfranogwr yw:
• person sy’n byw’n agos at y safle neu gorff sy’n cynrychioli person felly
• person sy’n ymwneud â busnes sy’n agos ar y safle neu gorff sy’n cynrychioli person felly
Gall cyfranogwr wneud cais am adolygiad o drwydded safle’r clwb.  Fe wnaiff yr awdurdod trwyddedu lleol roi rhesymau am eu hymateb i’r cais mewn hysbysiad.
Gall cyfranogwr apelio os byddant yn dadlau na ddylid bod wedi caniatau’r dystysgrif neu y dylid bod wedi rhoi amodau neu gyfyngiadau ychwanegol ar weithgareddau.  Gallant hefyd apelio yn erbyn unrhyw amrywiad i amod.
Gellir apelio yn erbyn penderfyniad adolygiad.
Mae’n rhaid gwneud apeliadau i’r Llys Ynadon lleol o fewn 21 diwrnod i benderfyniad a apelir.

Federation of Licensed Victuallers Associations (FLVA)

Noctis