Draeniau a Charthffosydd
Caiff carthion ei symud o’ch cartref i safle triniaeth drwy rwydwaith o bibellau.
Carthffosydd
Cyfrifoldeb Dwr Cymru yw edrych ar ol chorthffosau cyhoeddus yn y Sir. System garthffosiaeth ydi rhwydwaith o bibellau sy’n casglu carthion o ddau neu fwy o eiddo. Mae angen adrodd problemau â charthffos fudr i Ddŵr Cymru ar 0800 085 3968.
Draeniau Preifat
Bydd draen yn aros yn gyfrifoldeb i berchennog/breswylydd yr eiddo hyd y pwynt lle na fydd o fewn cwrtil eich eiddo neu lle bydd yn cysylltu â charthffos. Os bydd y draen wedi blocio y tu allan i ffin eich eiddo, yna mae’n debyg mai cyfrifoldeb Dŵr Cymru fydd ei ddadflocio.
Systemau Draenio Eraill
Ar y briffordd gyhoeddus, cyfrifoldeb Cyngor Sir Ddinbych ydi’r gylïau yn y ffordd. Mae gylïau ffordd wedi eu dylunio i ddraenio’r briffordd yn unig. Bydd Priffyrdd Cyngor Sir Ddinbych yn trefnu glanhau pob gyli ffordd a draen ar sail rota, fel bod pob gyli’n cael ei lanhau o leiaf unwaith y flwyddyn. Ar ffyrdd preifat, cyfrifoldeb y perchennog / preswylydd ydi’r gylïau ffordd a’r draeniau a draeniad y dŵr arwyneb mewn ardaloedd parcio preifat. Mae’r cyfrifoldeb hwn yn ymestyn hyd at y cysylltiad â’r garthffos dŵr arwyneb gyhoeddus.
Adroddiad Diffyg: Draeniau
Os mai prif ddraen yw’r draen rydych chi am ei adrodd, cysylltwch â Dŵr Cymru/Welsh Water ar 0800 085 3968.
Dim ond gylïau dŵr glaw neu ddraeniau storm y bydd y Cyngor yn eu cynnal a bydd y rhain, fel rheol, wedi eu lleoli ar y ffordd gerbydau wrth ymyl y cwrb.
I adrodd gyli neu ddraen storm sydd wedi eu blocio â dŵr glaw ffoniwch Ganolfan Alw Cyngor Sir Ddinbych ar 01824 706101 neu llenwch y ffurflen ar-lein yma.
(doc, 45.57 KB)
