Mae Cyngor Sir Ddinbych yn ymroddedig i gydraddoldeb o ran cyflogaeth a darpariaeth gwasanaeth. Mae'r Cyngor  yn cydnabod natur amrywiol y sir ac mae'n ceisio sicrhau bod gweithwyr, cleientiaid a chwsmeriaid yn cael eu trin gydag urddas a pharch. Mae'r Cyngor Sir yn gwrthwynebu gwahaniaethu o bob math ac mae'n ymroddedig i beidio gwahaniaethau'n annheg oherwydd oed, anabledd, cenedl, hil neu darddiad ethnig, crefydd neu gred, tueddiad rhywiol, iechyd, statws priodasol, cyfrifoldeb am eraill sy'n dibynnu arnoch, statws cymdeithasol neu economaidd neu gofnod troseddol.

Cymerir pob cam posibl i ystyried natur amrywiol unigolion a sicrhau eu bod yn cael eu trin yn deg a bod penderfyniadau ar ddarparu gwasanaethau a chyflogaeth yn seiliedig ar feini prawf gwrthrychol. Er mwyn cyflawni ein hymrwymiadau ein nod yw gwneud cydraddoldeb yn rhan ganolog o'r ffordd y mae'r Cyngor  yn gweithio trwy ei roi yng nghanol polisïau, cyflawni gwasanaethau, rheoliadau ac arferion cyflogaeth.

Yn ein Gweledigaeth dywedwn: “Fe wnawn ddathlu a pharchu amrywiaeth ein sir”

Mae Cyngor Sir Ddinbych wedi adolygu ei Gynllun Cydraddoldeb Corfforaethol ar gyfer 2009 – 2012.

Mae ein Cynllun Cydraddoldeb Corfforaethol yn amlinellu’r sialensiau sydd o’n blaenau gyda darparu gwelliant parhaus, hyrwyddo cynhwysiad a chyfleoedd cyfartal yn ein gwasanaethau ac ar gyfer ein gweithwyr.  Mae’n gosod allan yr amcanion allweddol yr ydym yn canolbwyntio arnyn nhw ar gyfer y tair blynedd nesaf, sut y byddwn yn eu cyflawni a sut y byddwn yn mesur ein llwyddiant.

O’r adborth a dderbyniwyd credwn fod ein blaenoriaethau’n adlewyrchu’r anghydraddoldebau mwyaf dyfal y mae ein cymuned yn eu hwynebu ar hyn o bryd.  Mae ein Cynllun Gweithredu’n nodi’r camau ymarferol sydd angen i ni eu cymryd i wella ein perfformiad ar gyfleoedd cyfartal.

Mae’r ddogfen hon ar gael mewn ieithoedd a/neu fformatau eraill.

Cyswllt: Swyddog Cydraddoldeb Corfforaethol
Ffôn: 01824 706161
Ffacs: 01824 707446
e-bost: policyunit@denbighshire.gov.uk

Cyfieithiad -Holiadur Ymgynghoriad – Yr hyn a ddywedasoch chi 2 (pdf, 89.60 KB)   
Cynllun cydraddoldeb 2007 – 2009: Arolwg Blynyddol Gorffennaf 2008 (doc, 299.52 KB)   
Cynllun Cydraddoldeb 2009 – 2012 (pdf, 157.35 KB)   
Cynllun Cydraddoldeb Corfforaethol 2009-2012 (doc, 948.22 KB)   
Cynllun Cyraddoldeb Corfforaethol - Mai 2009 (pdf, 47.46 KB)   
Draft Corporate Equality Action Plan 2009-2012 (pdf, 201.12 KB)   
Lleoliadau – Gwybodaeth am Leoliadau Hygyrch (pdf, 142.44 KB)   

I arddangos ac argraffu ffeiliau PDF, mae angen i chi gael Adobe® Acrobat® Reader wedi ei fewnosod. Cliciwch yma i lawrlwytho'r meddalwedd.
I gael golwg ar, a phrintio ffeiliau Microsoft Word, rhaid cael yntau Microsoft Word ar y cyfrifiadur neu medrwch lawrlwytho meddalwedd 'Microsoft Word Viewer' am ddim. Cliciwch yma i lawrlwytho'r meddalwedd.