Tai cymdeithasol: Rhenti a thaliadau
Gwybodaeth am renti sylfaenol a thaliadau am dai cymdeithasol.
Rhenti sylfaenol
Mae rhent sylfaenol eiddo cyngor ar gyfer tenantiaethau newydd o 4 Ebrill 2022 fel a ganlyn:
Tai cymdeithasol: Rhenti sylfaenol
| Math o eiddo | Rhent sylfaenol |
|---|
| Fflat un ystafell |
£72.81 yr wythnos |
| Fflat / fflat deulawr 1 ystafell wely |
£81.91 yr wythnos |
| Fflat / fflat deulawr 2 ystafell wely |
£91.02 yr wythnos |
| Fflat / fflat deulawr 3 ystafell wely |
£100.12 yr wythnos |
| Tŷ / byngalo 1 ystafell wely |
£90.54 yr wythnos |
| Tŷ / byngalo 2 ystafell wely |
£100.59 yr wythnos |
| Tŷ / byngalo 3 ystafell wely |
£110.66 yr wythnos |
| Tŷ 4 ystafell wely |
£120.72 yr wythnos |
| Tŷ 5 ystafell wely |
£130.77 yr wythnos |
Bydd eich rhent yn cynnwys costau gwaith atgyweirio a chynnal a chadw wedi'i gynllunio, yn ogystal â chostau rheoli tenantiaeth.
Rhenti sylfaenol ar gyfer garejys
Rhenti sylfaenol ar gyfer garejys o 5 Ebrill 2022:
Rhenti sylfaenol ar gyfer garejys
| Garej (ar gyfer tenantiaid y cyngor) |
£7.88 yr wythnos |
|---|
| Garej (ar gyfer unigolion nad ydynt yn denantiaid y cyngor) |
£9.46 yr wythnos |
|---|
Taliadau gwasanaeth
Efallai y bydd eich eiddo cyngor yn derbyn gwasanaethau sy'n destun tâl. Gelwir y rhain yn daliadau gwasanaeth, a bydd yn rhaid i chi dalu amdanynt yn ychwanegol at eich rhent sylfaenol. Dylech dalu taliadau gwasanaeth fel rhan o'ch taliad rhent.
Gallai taliadau gwasanaeth fod yn un neu fwy o'r canlynol:
- golau a gwres mewn mannau cymunedol
- gwelliannau gosodiad a gosod mewn ardaloedd cymunedol
- cyfleusterau golchi dillad
- gosod, monitro a gwasanaethu camerâu teledu cylch cyfyng
- monitro a gwasanaethu system mynediad drysau
- monitro a gwasanaethu offer diogelwch tân mewn ardaloedd cymunedol
- glanhau ardaloedd cymunedol a glanhau ffenestri cymunedol
- cynnal a chadw tir ar eich ystâd, gan gynnwys mannau chwarae, glaswellt, coed, llwyni, gwelyau blodau, wyneb caled a llwybrau, codi sbwriel
- dŵr a charthffosiaeth ar gyfer ardaloedd cymunedol
- ffi rheoli ar gyfer gweinyddu taliadau gwasanaeth
O dan reoliadau Budd-dal Tai cyfredol, mae'r holl daliadau gwasanaeth hyn yn gymwys i gael budd-dal tai. Maent hefyd yn gymwys fel rhan or Elfen Costau Tai o Credyd Cynhwysol.
Mae taliadau dŵr, gwres ac carthion ddim ym gymwys o dan unai Budd-Dal Tai neu'r Credyd Cynhwysol.
Byddwch yn gallu gweld ar eich bil faint rydych yn ei dalu am y gwasanaethau a dderbyniwch. Er enghraifft, byddwch yn gwybod faint o'ch taliad wythnosol sy'n mynd ar lanhau, trydan neu nwy i ardaloedd cymunedol a faint sy'n mynd ar gynnal a chadw tiroedd yn eich gardd gymunedol, neu ar eich ystâd.
A oes rhaid i mi dalu taliadau gwasanaeth?
Os ydych wedi rhannu cyfleusterau neu â chyfleusterau cymunedol, bydd yn rhaid i chi dalu taliadau gwasanaeth. Os ydych yn byw mewn eiddo heb unrhyw wasanaethau a rennir neu wasanaethau ychwanegol, ac nid ydym yn cadw unrhyw diroedd cymunedol y tu allan i'ch eiddo neu ar eich ystâd, ni fydd yn rhaid i chi dalu unrhyw daliadau gwasanaeth.
Ni allwch ddewis peidio â thalu taliadau gwasanaeth, neu peidio â derbyn gwasanaethau a ddarperir. Mae costau tâl gwasanaeth yn cael eu gosod bob blwyddyn.
Sut ydym yn cyfrifo taliadau gwasanaeth?
Byddwn yn cyfrifo eich taliadau gwasanaeth trwy gymryd i ystyriaeth gostau gwirioneddol darparu'r gwasanaet a thâl gweinyddol o 15%. Bydd y gost o ddarparu gwasanaethau mewn bloc, cyfadeiladau neu ardal ystâd neu gymunedol benodol arall, yn cael ei rhannu yn gyfartal rhwng yr holl drigolion sy'n byw yno.