Cefndir y prosiect
Mae Wenffrwd yn hen safle tir llwyd y daeth Gwasanaethau Cefn Gwlad Sir Ddinbych yn gyfrifol amdano yn 2018. Ers hynny, mae Gwasanaethau Cefn Gwlad wedi gweithio i ddatblygu'r safle yn warchodfa natur gan gyflenwi lleoedd parcio ychwanegol hefyd i roi mynediad i gefn gwlad lleol a Safle Treftadaeth y Byd Camlas Llangollen. Mae'r elfennau sy'n cael eu cynnwys yng ngweithgarwch y prosiect hwn yn cefnogi datblygu’r amwynder twristiaeth a lleol hwn ymhellach.
Roedd gweithgarwch y prosiect yn gwella cysylltiadau’r dref i Warchodfa Natur Wenffrwd ac o’r Warchodfa drwy greu llwybrau cerdded / beicio ychwanegol, yn cynnwys llwybr newydd ar hyd yr hen reilffordd rhwng y Warchodfa Natur a Chanolfan Iechyd Llangollen, a chreu llwybr cysylltu â llwybr halio Camlas Llangollen, rhan o Safle Treftadaeth y Byd. Roedd hefyd yn gwneud gwelliannau i'r ardal ddiwydiannol bresennol ar y safle, gan ei droi'n lle cymunedol a gwaith ymarferol.