Cynllun Amddiffyn Arfordir y Rhyl Cam 2 - Pentref y Plant
Rydym yn gwahodd trigolion, busnesau ac ymwelwyr i ddigwyddiad ymgynghori cyhoeddus ddydd Mercher 12 Awst 2026, ym Marchnad y Frenhines rhwng 2.00pm a 7.00pm, i weld ein cynigion ar gyfer gwella Pentref Plant presennol y Rhyl.
Beth ydym yn ei wneud?
Rydym yn cynnig cynllun gwelliannau ar gyfer ardal bresennol Pentref y Plant yng nghanol tref y Rhyl.
Datblygwyd y cynigion mewn ymateb i ddigwyddiadau ymgynghori cyhoeddus ac ymgysylltu budd-ddeiliad blaenorol, lle daeth blaenoriaeth glir a chyson i’r amlwg, sef gwella’r Rhyl fel cyrchfan a chreu cysylltiad cryfach a mwy deniadol rhwng canol y dref a’r promenâd.
Rydym wedi gwrando ar eich adborth yn dilyn yr ymgynghoriadau a’r gweithgareddau ymgysylltu blaenorol. Gan ddatblygu ar eich sylwadau, rydym bellach yn edrych ar opsiynau i wella’r ardal o amgylch Pentref Plant presennol y Rhyl.
Nod y prosiect yw trawsnewid yr ardal yn fan digwyddiadau hyblyg o safon uchel y gellir ei mwynhau drwy gydol y flwyddyn. Mae’r gwelliannau a gynigir yn cynnwys gwneud yr ardal yn haws i bawb gael mynediad ati, gerddi teras a ger y dŵr, gwell tirlunio, a mannau cyhoeddus newydd sy’n creu amgylchedd mwy croesawgar, deniadol a phleserus i drigolion ac ymwelwyr fel ei gilydd.
Mae’r prosiect yn gysylltiedig â phrosiect amddiffyn yr arfordir, felly mae yna gyfyngiadau ar sut y gellir gwario arno.
Rydym yn annog pawb i ddod draw i gael golwg ar y cynigion a rhannu eu barn, a fydd yn ein helpu i lunio dyfodol yr ardal bwysig hon yn y Rhyl.
Pam ydym ni'n gwneud hyn?
Pwrpas yr ymgynghoriad yw dangos dyluniadau posib o’n dyheadau ar gyfer y man digwyddiadau hyblyg hwn, ac i chi roi’ch adborth i ni.
Beth ydym ni eisiau ei wybod?
Fe hoffem ni glywed eich barn am y cynigion. Bydd eich adborth chi’n helpu llywio datblygiad y prosiect, ac yn sicrhau bod y cynigion yn adlewyrchu anghenion y gymuned.
Pa wahaniaeth a fydd yn ei wneud?
Drwy ddod i ddeall beth sy’n bwysig i’r bobl sy’n byw ac yn gweithio yn y Rhyl, neu’n ymweld â’r ardal yn rheolaidd, ein gobaith yw gallu cyflawni gwelliannau a fydd yn helpu gwneud y dref yn fan mwy deniadol ac annog pobl i dreulio mwy o amser yno.
Sut ellwch chi gymryd rhan?
Dewch i'n sesiwn galw heibio
Cynhelir ein sesiwn galw heibio ar Dydd Mercher 12 Awst 2026.
Cyfeiriad y sesiwn galw heibio yw
Marchnad y Frenhines,
Heol Sussex,
Y Rhyl,
LL18 1SE
Mae'r sesiwn galw heibio yn dechrau am 2.00pm ac yn gorffen am 7.00pm
AYn y sesiwn galw heibio byddwch yn gallu:
- Gweld cynlluniau / deunyddiau arddangos ar gyfer ein prosiect
- Siarad â swyddogion prosiect / ymgynghorwyr ynglŷn â’r prosiect
- Gofyn cwestiynau
Cymerwch ran yn ein harolwg
Gellir cwblhau ein harolwg ar-lein.
Online form: Rhyl Coastal Defence Phase 2 - Children’s Village (external website)
Gallwch gael copïau papur o’r arolwg a’u dychwelyd yma:
Llyfrgell a Siop Un Alwad y Rhyl
Stryd yr Eglwys
Y Rhyl
LL18 3AA
Gallwch anfon neges e-bost at: RhylPublicRealmQueries@balfourbeatty.com
Gallwch ysgrifennu at:
Cynllunio, Gwarchod y Cyhoedd a Gwasanaethau Cefn Gwlad
Blwch Post 62
Rhuthun
LL15 9AZ
Y dyddiad cau ar gyfer cyflwyno’ch ymateb yw dydd Gwener 21 Awst 2026.
Sut fyddwn ni'n rhoi adborth?
Byddwn yn casglu’r holl ymatebion i’r arolwg ac yn darparu adborth cyn gynted ag y gallwn ni.
Adborth
Dewch yn ôl ar gyfer canlyniadau.
Dogfennau cysylltiedig
Mae’r lluniau yn dangos dyluniadau cysyniadol o Barc Glan y Môr arfaethedig. Enghreifftiol ydynt yn unig, ac yn dangos sut y gallai’r parc edrych. Mae’r gosodiad cyffredinol wedi’i rannu mewn i ardaloedd gwahanol, fel y dangosir a disgrifir isod.
Ardaloedd â Nodwedd Pendodol
Gosodiad cyffredinol o ardal Parc Glan y Môr
Mae’r llun uchod yn dangos gosodiad cyffredinol o ardal Parc Glan y Môr arfaethedig. Mae’r safle wedi’i rannu i ‘ardaloedd a chymeriad’. Bydd ein cysyniadau ar gyfer yr ardaloedd yma’n cael eu hegluro yn nes ymlaen yn y lluniau isod.
- Gerddi Teras
- Ardal hyblyg ar gyfer digwyddiadau
- Ardal anffurfiol
- Gerddi Glannau'r Dŵr
- Porth i'r Stryd Fawr
- Llwybr y Promenâd
- Porth Heol y Frenhines
Gerddi Teras
Mae’r llun uchod yn dangos llwybrau ar lethr, seddi a chymysgedd o goed a gwrychoedd, wedi’i leoli drws nesaf i Rodfa Gorllewin.
Ardal hyblyg ar gyfer digwyddiadau
Mae’r llun uchod yn dangos ardal ddigwyddiadau canolog gyda goleuadau, ardaloedd gwylio wedi’u gorchuddio, llwyfan sydd wedi’i ddangos min nos. Cynigir ardal hyblyg ar gyfer digwyddiadau yng nghanol Parc Glan y Môr.
Ardal anffurfiol
Mae'r llun uchod yn ddangos ardal anffurfiol gyda seddi sefydlog a rhai y gellir eu symud, byrddau, llwybrau cerdded ac ardaloedd gwylio uwch, wedi’i leoli ym mhen dwyreiniol y parc ac yn nes at y môr.
Gerddi Glannau'r Dŵr
Mae'r llun uchod yn ddangos ardal wedi’i dirlunio gyda gerddi, coed, gwrychoedd a phlanhigion wrth ochr llwybrau cerdded, wedi’u lleoli agosaf at y promenâd.
Porth i'r Stryd Fawr
Mae'r llun uchod yn ddangos mynedfa groesawgar o’r Stryd Fawr gyda grisiau isel wedi’u goleuo a phlanhigion bob ochr i’r grisiau.
Llwybr y Promenâd
Mae'r llun uchod yn ddangos llwybr i gerdded wedi’i dirlunio yn cysylltu maes parcio’r sinema gyda chanol Parc Glan y Môr, gyda phlanhigion a seddi anffurfiol
Porth Heol y Frenhines
Mae’r llun uchod yn dangos mynedfa hygyrch o Heol y Frenhines sy’n dangos grisiau isel a ramp igam-ogam sy’n addas i ddefnyddwyr cadeiriau olwyn a phramiau. .
Furniture Strategy
Mae’r lluniau isod yn dangos ein cynigion ar gyfer dodrefn stryd gwahanol i gynnwys seddi, goleuadau a phlanhigion.
Mae’r llun uchod yn dangos gosodiad cyffredinol dodrefn stryd arfaethedig i gael eu gosod. Bydd ein cysyniadau ar gyfer y dodrefn stryd yn cael eu hegluro yn nes ymlaen yn y lluniau isod.
- Arwyddbystiau
- Goleuadau pensaernïol
- Planhigion a seddi wedi’u hintegreiddio
- Meinciau pren unigryw
- Dodrefn modiwlaidd
- Arwynebau amrywiol
Arwyddbystiau
Mae’r llun uchod yn dangos ein cysyniad ar gyfer arwyddbystiau sy’n tywys ymwelwyr i brif leoliadau yn y Rhyl, wedi’u lleoli ym mhrif fynedfeydd y parc.
Goleuadau pensaernïol
Mae’r llun uchod yn dangos ein cysyniad ar gyfer goleuadau addurniadol wedi’u dylunio i wella ymddangosiad y parc tra’n darparu golau, wedi’u lleoli ger Porth y Stryd Fawr.
Planhigion a seddi wedi’u hintegreiddio
Mae’r llun uchod yn dangos ein cysyniadau ar gyfer gwelyau planhigion gyda seddi wedi’u hintegreiddio, gan gyfuno coed, gwrychoedd a meinciau o fewn y gerddi teras.
Meinciau pren unigryw
Mae’r llun uchod yn dangos ein cysyniadau ar gyfer seddi pren wedi’u dylunio’n arbennig wedi’u lleoli o fewn y gofod digwyddiadau hyblyg ac yn ardal gerddi glannau’r dŵr o barc Glan y Môr.
Dodrefn modiwlaidd
Mae'r llun uchod yn ddangos eyn cysyniadau ar gyfer dodrefn modiwlaidd. Cynigir dodrefn modiwlaidd ar gyfer ardal fach wedi'i thirlunio agosaf at y sinema.
Arwynebau amrywiol
Mae’r llun uchod yn dangos ein cynnig i ddefnyddio amrywiaeth o ddeunyddiau pafin a gorffeniadau arwyneb amrywiol o fewn yr ardal hyblyg ar gyfer digwyddiadau i greu diddordeb ac i ddiffinio ardaloedd gwahanol.