Tîm Integredig Teuluoedd Lleol

Mae’r Tîm Integredig Teuluoedd Lleol yn dîm aml-asiantaeth yn cynnwys staff o Gonwy, Sir Ddinbych ac Ymddiriedolaeth Ysbyty Prifysgol Betsi Cadwaladr. Mae’r tîm yn helpu teuluoedd i reoli ymddygiad heriol plant a phobl Ifanc (hyd at 18 oed) yn y cartref.

Gyda pha bethau y gallwn helpu?

Mae’r tîm yn darparu cymorth arbenigol ar ymyrraeth gynnar lle mae:

• arddangosfeydd ymddygiad plentyn neu berson ifanc:
  
  • ymddygiad ymosodol yn gorfforol
  • ymddygiad ymosodol ar lafar
  • dinistrio eiddo
  • ymddygiad hunan niweidio
  • ymddygiad sy'n tarfu ar eraill 

• mae perthynas y teulu wedi ei haflonyddu yn y cartref oherwydd ymddygiad sydd yn herio
• nid yw’r ymddygiad yn digwydd yng nghyd-destun anableddau dysgu neu dydi'r plentyn neu'r person ifanc ddim agored i’r gwasanaeth anabledd dysgu
• nid oes tystiolaeth o oedi mewn datblygiad sylweddol mewn 2 faes neu fwy
• nid yw’r brif broblem yn cael ei hegluro gan anhwylder iechyd meddwl neu mae’r plentyn neu'r person ifanc yn agored i CAMHS
• nid yw’r plentyn yn agored neu’n gweithio gyda Gwasanaethau Niwroddatblygiad (gallwn dderbyn atgyfeiriadau pan fo’r plentyn ar y rhestr aros)
• nid yw'r plentyn neu'r person ifanc ar agor i'r Gwasanaethau Cymdeithasol ac yn gweithio gyda'i dîm therapiwtig 

Ymwybyddiaeth Synhwyraidd

Mae ein fideo ymwybyddiaeth synhwyraidd yn dangos sut mae synhwyrau plentyn yn effeithio ar y ffordd maent yn ymddwyn a theimlo. Mae'n egluro:

• sut mae’r holl synhwyrau (gan gynnwys symudiad ac ymwybyddiaeth o’r corff) yn effeithio ar blentyn
• pam fod ymddygiad sy’n herio yn aml yn anhawster synhwyraidd
• ffyrdd ymarferol o gefnogi plant pan maent yn teimlo wedi’u llethu
• sut i fod yn ‘dditectif ymddygiad’ i ddeall beth mae plentyn yn ei gyfathrebu

Gwyliwch y fideo ‘Ymwybyddiaeth Synhwyraidd’ ar YouTube (gwefan allanol)

Helpu lleihau ymddygiad sy’n herio

Mae’r fideo ‘Helpu lleihau ymddygiad sy’n herio’ yn edrych ar y rhesymau sylfaenol dros ymddygiad heriol ymysg plant trwy lens yn seiliedig ar berthnasau. Mae’n cwmpasu:

• achosion cyffredin ymddygiad
• sut mae sgiliau megis cynllunio a chanolbwyntio (gweithrediad goruchwyliol) yn chwarae rhan
• pam mai perthynas cryf a charedig yw’r ffordd orau o helpu
• sut mae aros yn chwilfrydig a chysylltiedig yn arwain at newid gwirioneddol

Gwyliwch y fideo ‘Helpu lleihau ymddygiad sy’n herio’ ar YouTube (gwefan allanol)

Sut i feithrin gwydnwch rhag straen i rieni

Mae’r fideo ‘Sut i feithrin gwydnwch rhag straen i rieni’ yn archwilio sut mae straen parhaus yn effeithio ar eich corff, eich ymennydd a’r ffordd rydych yn magu plant. Mae'n egluro:

• sut mae’r gylchred straen yn gweithio a’r arwyddion o deimlo wedi llethu
• effaith straen hirdymor ar eich lles a pherthnasau
• ffyrdd sydyn i reoli straen yn y fan a’r lle
• sut i feithrin gwydnwch a phwysigrwydd hunanofal
• sut i ddeall eich anghenion eich hun gyda mwy o gydymdeimlad

Gwyliwch y fideo ‘Sut i feithrin gwydnwch rhag straen i rieni’ ar YouTube (gwefan allanol)

Sut i wneud atgyfeiriad

Cysylltwch â ni

Gallwch gysylltu â ni os hoffech fwy o wybodaeth am y Tîm Integredig Teuluoedd Lleol.

Rhagor o wybodaeth

Mae’r Tîm Integredig Teuluoedd Lleol yn dîm aml-asiantaeth, a ariennir gan Gydweithfa Gwella Gwasanaethau Gofal Cymdeithasol a Lles Gogledd Cymru.