Adolygiad gostyngiad person sengl
Rydym yn adolygu’r gostyngiadau i bobl sengl sy’n weithredol ar hyn o bryd ar gyfrifon treth y cyngor ar hyd a lled Sir Ddinbych.
Caiff yr adolygiad ei gynnal ar ein rhan gan Dîm Adolygu Incwm a Thaliadau a bydd yn sicrhau fod deiliaid cyfrifon yn parhau i fod â’r hawl i ostyngiad.
Llythyrau adolygu
Bydd llythyrau adolygu yn cael eu hanfon i ddeiliaid cyfrifon treth y cyngor sydd ar hyn o bryd yn derbyn gostyngiad person sengl yn gofyn iddynt gadarnhau p’un ai a oes ganddynt yr hawl i ostyngiad o hyd. Bydd y llythyr hefyd yn cynnwys rhif PIN unigryw i’w ddefnyddio pan fyddant yn anfon neges destun gyda’u hymateb neu i’w ddefnyddio gyda’r ffurflen Adolygu Gostyngiad Person Sengl ar-lein.
Os na fyddwch yn ymateb i’r llythyr adolygu o fewn 14 diwrnod, fe fyddwn yn tynnu’r gostyngiad o’ch cyfrif ac yn cyflwyno bil newydd.
Sut i gadarnhau eich manylion
Gallwch gadarnhau os ydych yn parhau â’r hawl i ostyngiad person sengl drwy un o’r dulliau canlynol:
Dim ond un dull sydd angen i chi ei ddefnyddio i gadarnhau eich manylion.
Fe fyddwch angen eich rhif PIN unigryw i gadarnhau drwy neges destun. Gallwch ddod o hyd i’r rhif PIN hwn ar y llythyr adolygu a anfonwyd atoch chi.
Os mai chi yw’r unig oedolyn sy’n byw yn yr eiddo o hyd, fe fydd angen i chi anfon neges destun yn cynnwys 'eich rhif PIN unigryw' ac 'Ie’ i 07975 005001.
Os nad ydych chi yr unig oedolyn sy’n byw yn yr eiddo bellach neu eich bod wedi gadael yr eiddo, fe fydd angen i chi anfon neges destun yn cynnwys 'eich rhif PIN unigryw' a 'Na’ i 07975 005001.
Fe fydd angen i chi roi eich rhif PIN unigryw i gael at y ffurflen Adolygu Gostyngiad Person Sengl ar-lein. Gallwch ddod o hyd i’r rhif PIN hwn ar y llythyr adolygu a anfonwyd atoch.
Ffurflen Adolygu Gostyngiad Person Sengl ar-lein (gwefan allanol)
Gallwch lenwi’r ffurflen ar gefn y llythyr adolygu a’i dychwelyd o fewn 14 diwrnod i’r cyfeiriad hwn:
Income and Awards Review
Department S4D
Loughborough Road
Nottingham
NG2 7QP
Peidiwch â dychwelyd y ffurflen hon at Gyngor Sir Ddinbych.
Mwy o wybodaeth
Wrth gadarnhau p’un ai a ydych yn parhau i fod â’r hawl i ostyngiad person sengl fe ddylech fod yn ymwybodol:
- fod yn rhaid i chi ddweud wrthym os yw eich amgylchiadau’n newid (mae hyn yn cynnwys dweud wrthym am unrhyw bobl eraill sy’n byw yn y cyfeiriad hwn)
- gallwn roi dirwy o £70 os ydych:
- yn methu darparu’r wybodaeth y gofynnwyd amdani
- yn darparu gwybodaeth ffug
Beth i’w wneud os ydych yn colli eich llythyr adolygu
Os ydych yn colli’r llythyr adolygu sy’n cynnwys eich rhif PIN unigryw, gallwch gysylltu â ni a gofyn i ni anfon copi o’r llythyr, neu gallwn anfon eich rhif PIN unigryw i chi.