Gall gwaith corff llywodraethu fod yn anodd iawn ar adegau, ond mae hefyd yn rhoi llawer o foddhad.
Rolau a chyfrifoldebau
Mae pob corff llywodraethu yn cyfarfod o leiaf unwaith y tymor. Mae nifer o faterion na all y corff llywodraethu llawn ymdrin â hwy yn unig. Fodd bynnag, gellir dirprwyo llawer o waith y corff llywodraethu yn llawn neu'n rhannol, a bydd gan gorff llywodraethu da rai pwyllgorau gweithgar iawn.
Gall rhai rolau a thasgau gael eu dyrannu i lywodraethwyr unigol, megis cysylltiadau i feysydd cwricwlaidd neu grwpiau blwyddyn, neu gyfrifoldeb am drefniadau hyfforddi llywodraethwyr. Mae rhai rolau, megis ammddiffyn plant a llywodraethwyr AAA, yn orfodol.
Mae disgwyl i bob llywodraethwr gymryd rhan ar bwyllgorau corff llywodraethu. Mae llywodraethwyr yn cael eu penodi i bwyllgorau ar sail eu sgiliau, eu gwybodaeth a'u harbenigedd.
Eich cyflwyniad
Fel llywodraethwr newydd, byddwch yn derbyn pecyn hyfforddiant ac arweiniad, er mwyn i chi ddod yn effeithiol yn eich rôl cyn gynted â phosibl. Bydd hyn yn cael ei drefnu pan fyddwch yn cael eich penodi fel llywodraethwr.
Dyma beth y gallwch ei ddisgwyl fel rhan o'ch hyfforddiant:
- cefnogaeth mentor am gyfnod y cytunwyd arno
- sesiwn hyfforddi dwy awr mandadol
- sesiwn hyfforddi ar ddeall a defnyddio data
- gwybodaeth gyffredinol sy'n berthnasol i bob llywodraethwr ym mhob ysgol
- gwybodaeth benodol sy'n berthnasol i'ch ysgol chi
Mwy o wybodaeth
Yn ogystal â'r wybodaeth a ddarparwn, gall ysgolion sy'n tanysgrifio gael gwybodaeth a chymorth gan Lywodraethwyr Cymru (gwefan allanol).