Penodi 2 Aelod Annibynnol ar Bwyllgor Safonau Cyngor Sir Ddinbych

Bydd yn ofynnol i ymgeiswyr ddangos annibyniaeth, uniondeb a didueddrwydd wrth gyflawni gwaith y pwyllgor a meddu ar y rhinweddau a'r sgiliau a ganlyn:

• Sgiliau gwrando
• Y gallu i ddeall a phwyso a mesur tystiolaeth
• Doethineb
• Y gallu i ddatblygu barn wrthrychol a’r gallu i egluro safbwynt wrth gyfeirio at y dystiolaeth
• Parch tuag at eraill a dealltwriaeth o faterion amrywiol.
• Empathi â'r Iaith Gymraeg a Diwylliant
• Profiad o fynychu a chyfrannu at gyfarfodydd

Nid oes rhaid cael gwybodaeth fanwl o lywodraeth leol er y byddai o fantais pe byddai gan ymgeiswyr ddiddordeb mewn materion sy'n berthnasol i fywyd cyhoeddus a gwasanaethau. Yn ogystal, rhaid i aelodau annibynnol:

• Bod yn gymwys i'w ethol fel Aelod Annibynnol fel y diffinnir yn Rheoliadau Pwyllgor Safonau (Cymru) 2001 (gweler isod pwy na all fod yn aelod annibynnol*)
• Yn gallu rhoi’r amser sydd ei angen a bod ar gael ar fyr rybudd
• Bod â pharch yn y gymuned
• Gallu darparu geirda gan ddau berson
• Ni ddylai ymgeiswyr fod yn anghymwys (e.e. o dan Adran 80 o Ddeddf Llywodraeth Leol 1972)

* Ni all berson fod yn aelod annibynnol os yw:

• yn gynghorydd neu'n swyddog (neu briod neu bartner sifil i gynghorydd neu swyddog) unrhyw Gyngor Sir/Bwrdeistref Sirol, Awdurdod Parc Cenedlaethol, Awdurdod Tân neu Gyngor Dinas, Tref a Chymuned
• yn gyn-aelod uwch, cabinet neu weithredol o Gyngor Sir Dinbych o fewn y 5 mlynedd cyn eu penodiad (Mai 2026)
• yn gyn-gynghorydd i Gyngor Sir Dinbych o fewn y 2 flynedd cyn eu penodiad (Mai 2026)
• yn gyn-swyddog a oedd yn dal swyddi cyfyngedig gwleidyddol yn flaenorol neu a oedd yn swyddogion cofrestru Cyngor Sir Dinbych neu Awdurdod Parc Cenedlaethol, Awdurdod Tân neu Gyngor Dinas, Cymuned neu Dref o fewn Sir Dinbych o fewn y 2 flynedd cyn eu penodiad (Mai 2026)

Taliadau i Aelodau Annibynnol

Byddwch yn derbyn rhwng £105 a £268 y diwrnod yn dibynnu ar eich rôl ac mae'r Pwyllgor Safonau yn cyfarfod hyd at 6 gwaith y flwyddyn yn Sir Ddinbych.

Bydd pob cais yn cael ei farnu yn ôl ei deilyngdod a bydd yr angen i gael cydbwysedd o sgiliau, rhinweddau ac arbenigedd ar y Pwyllgor yn ogystal â’r angen i gynrychioli’r gymuned gyfan a chyflawni gwasgariad daearyddol i gyd yn cael ei ystyried wrth wneud y penodiadau terfynol.

Bydd y penodiad yn amodol ar gyfweliad gyda Phanel Cynghori ar 24ain Ebrill 2026. Bydd y Panel Cynghori yn gwneud argymhelliad ar y 12fed Mai 2026 i'r Cyngor Llawn a fydd yn gwneud y penderfyniad terfynol ar y penodiad.

Am sgwrs anffurfiol am y rôl cysylltwch â Gary Williams, Swyddog Monitro ar gary.williams@sirddinbych.gov.uk neu 01824 712562.

Mae ffurflenni cais ar gael gan Amy Foster ar amy.foster@sirddinbych.gov.uk neu dros y ffôn ar 01824 712607.

Pecyn Gwybodaeth: Penodi 2 Aelod Annibynnol ar Bwyllgor Safonau Cyngor Sir Ddinbych (PDF, 900KB)