Seremonïau enwi

Seremoni enwi yw digwyddiad anghrefyddol pan roddir enw i faban. Mae rhieni yn dewis cynnal y dathliad hwn fel act gyhoeddus o gariad ac ymroddiad i’w plentyn ac mae’n achlysur delfrydol i gyflwyno plant o unrhyw oedran i’r teulu. 

Beth sy’n digwydd yn ystod y seremoni?

Bydd Gweinydd proffesiynol, wedi ei hyfforddi’n llawn, yn cynnal y seremoni; gall gynnwys addunedau a darlleniadau, eglurhad o enw’r plentyn, gobaith ar gyfer ei ddyfodol, addunedau gan oedolion ychwanegol a neiniau/teidiau ac addunedau’r rhieni i’w gilydd. Ar ddiwedd y seremoni, rhoddir cofnod ichi gadw wedi ei lofnodi gan y rheini, oedolion ychwanegol a’r Gweinydd. 

Ble ellir eu cynnal?

Gellir cynnal seremonïau enwi yn swyddfa gofrestru y Rhyl neu Rhuthun, neu mewn unrhyw leoliadau eraill sydd wedi eu cymeradwyo ar gyfer seremonïau sifil

Sut alla i drefnu seremoni enwi?

Bydd angen ichi gysylltu â ni i drefnu seremoni enwi.

Faint fydd y gost?

Y gost o archebu seremoni enwi yw £50.00; gallwch dalu gydag arian parod yn y Swyddfa Gofrestru, thrwy siec yn daladwy i Gyngor Sir Ddinbych neu dros y ffôn gyda cherdyn credyd/debyd. Ni ellir ad-dalu’r ffi archebu hwn.

Isod mae manylion o faint yw cost seremonïau enwi mewn gwahanol leoliadau, Mae'r ffioedd yn cynnwys TAW:

Swyddfa Gofrestru y Rhyl

  • Dydd Llun i Dydd Iau: £106
  • Dydd Gwener: £124

Ystafell Glan y Môr (y Rhyl) a Ystafell Bro Famau (Rhuthun)

  • Dydd Llun i Dydd Iau: £142
  • Dydd Gwener: £160
  • Dydd Sadwrn: £238
  • Dydd Sul a Gŵyl Banc: £286

Lleoliad cymeradwy arall

  • Dydd Llun i Dydd Iau: £178
  • Dydd Gwener: £208
  • Dydd Sadwrn: £220
  • Dydd Sul/Gŵyl Banc: £268

Mwy am dalu am seremoni.