Cewch wledd gerddorol wrth ddarllen yr haf hwn!
Mae Llyfrgelloedd Sir Ddinbych yn cymryd rhan yn 'Cyfrolau’n Canu' sef Sialens Ddarllen yr Haf eleni, gyda gweithgareddau am ddim i deuluoedd yn cychwyn o 4 Gorffennaf 2026 tan ddiwedd Medi.
Yr haf hwn, mae The Reading Agency yn gwahodd plant i ddarganfod llawenydd darllen drwy gwblhau Sialens Ddarllen yr Haf – Cyfrolau’n Canu – sydd â thema wedi’i hysbrydoli gan gerddoriaeth.
Gyda chasgliad gwych o lyfrau wedi’u hysbrydoli gan gerddoriaeth o bob cwr o’r byd, gall plant fwynhau straeon, barddoniaeth, nofelau graffig a llyfrau ffeithiol ar gyfer pob lefel darllen. Y peth gorau oll yw bod y llyfrau ar gael AM DDIM i’w benthyg o’r llyfrgell.
Fel rhan o’r Flwyddyn Darllen Genedlaethol mae llyfrgelloedd yn annog teuluoedd i wneud darllen yn rhan o’u hantur dros wyliau’r haf. Gall plant gofrestru yn y llyfrgell, gosod nodau darllen, a mwynhau gwobrau wrth gwblhau’r Sialens.
Bydd sialens eleni’n dechrau ddydd Sadwrn, 4 Gorffennaf.
Dechreuwch eich antur trwy ymuno yn eich llyfrgell leol, neu:
Cofrestrwch ar-lein ar wefan Sialens Ddarllen yr Haf (gwefan allanol)