Treth y Cyngor: rhyddhad o dalu’r premiwm am chwe mis ar gyfer eiddo gwag hirdymor sy’n cael ei adnewyddu’n sylweddol

Os ydych chi’n ddiweddar wedi dod yn berchen ar eiddo a fu’n wag am fwy na deuddeg mis, efallai y gallwn gynnig rhyddhad o dalu premiwm Treth y Cyngor am chwe mis os ydych chi’n gwneud gwaith adnewyddu cyffredinol yno.

Y bwriad yw helpu perchnogion newydd cartrefi a fu’n wag ers tro i’w rhoi at ddefnydd o’r newydd fel prif breswylfeydd parhaol.

Beth sydd ar gael?

Os cymeradwyir eich cais, diddymir premiwm Treth y Cyngor am chwe mis. Mae hynny’n golygu y byddwch yn talu swm safonol Treth y Cyngor am y cyfnod, yn hytrach na’r gyfradd premiwm.

Pwy sy’n gymwys? 

Gallech fod yn gymwys i gael rhyddhad o dalu’r premiwm am chwe mis ar gyfer eiddo gwag hirdymor:

• os daethoch yn berchennog newydd yr eiddo yn y chwe mis diwethaf
• os bu’r eiddo’n wag heb fawr ddim dodrefn ynddo am o leiaf deuddeg mis cyn ichi ddod yn berchennog - cysylltwch â ni os hoffech gael gwybod hyn
• os ydych yn gwneud gwaith adnewyddu sylweddol i wneud yr eiddo’n addas i fyw ynddo
• os bwriedir defnyddio’r eiddo’n brif breswylfa ar ôl gorffen y gwaith.

Mae adnewyddu sylweddol yn cynnwys, er enghraifft:

• addasu’r strwythur, gan gynnwys dymchwel waliau sy’n cynnal pwysau neu’u haddasu
• tynnu popeth oddi ar waliau mewnol, lloriau, nenfydau, gosodiadau ac ati
• cynlluniau atgyweirio cynhwysfawr yn sgil difrod gan dân neu lifogydd sydd wedi effeithio ar y rhan helaeth o’r eiddo
• dymchwel rhannau helaeth o’r adeilad a’u hail-adeiladu
• ail-adeiladu neu danategu’r sylfeini’n helaeth
• unrhyw waith arall ar raddfa fawr sy’n mynd ymhell y tu hwnt i gynnal a chadw cyffredinol.

Sut i wneud cais

Mae’n rhaid ichi lenwi’r ffurflen gais ar-lein.

Wrth ymgeisio, efallai y bydd gofyn ichi ddarparu gwybodaeth neu ddogfennau ategol ynghylch:

• yr eiddo
• pa bryd y bu’n wag
• y gwaith adnewyddu sy’n digwydd.

Asesir pob cais yn ôl ei rinweddau ei hun.

Apply online for 6-month Council Tax premium relief for a long-term empty property

Newid yn eich amgylchiadau

Mae’n rhaid ichi roi gwybod inni am unrhyw newidiadau a fedrai effeithio ar eich cais.

Os na wnewch chi hynny, gallwn dynnu’r gostyngiad yn ôl a gofyn am ad-daliad o’r swm y rhoddwyd rhyddhad o’i dalu eisoes.

Cysylltwch â ni i roi gwybod am unrhyw newid yn eich amgylchiadau.