Gofal Plant Dechrau'n Deg
Mae Gofal Plant Dechrau'n Deg ar gael yn un o’n grwpiau chwarae partner, Cylchoedd Meithrin neu Feithrinfeydd Dydd o ddydd Llun i ddydd Gwener yn ystod tymor yr ysgol.
Mae Gofal Plant Dechrau'n Deg bellach ar gael i deuluoedd sy’n byw yn un o’r ardaloedd canlynol:
- Gallt Melyd
- Dwyrain Prestatyn
- De-orllewin Prestatyn
- rhannau o Dde a De-ddwyrain y Rhyl
Byddwn hefyd yn cyflwyno rhaglen Gofal Plant Dechrau'n Deg i ardaloedd yn Dyserth, Rhuddlan a Dinbych o Medi 2024.
Gwiriwch os yw eich côdpost yn y rhaglen Dechrau’n Deg
Beth sydd ar gael?
Mae Gofal Plant Dechrau'n Deg ar gael i ddarparu hyd at 12 awr a hanner o ofal plant am ddim bob wythnos yn ystod tymor yr ysgol mewn lleoliad a gofrestrwyd i gyflwyno’r rhaglen Dechrau'n Deg.
Gellir defnyddio’r gofal plant o’r tymor ysgol ar ôl eu pen-blwydd yn ddwy oed tan y tymor ysgol ar ôl eu pen-blwydd yn dair.
Argaeledd Gofal Plant Dechrau’n Deg
| Dyddiad pen-blwydd y plentyn yn 2 oed | Bydd gofal plant yn ystod tymor ysgol ar gael |
|---|
| Rhwng 1 Medi 2023 a 7 Ionawr 2024 |
Tymor ysgol y gwanwyn tan ddiwedd tymor ysgol y gaeaf |
| Rhwng 8 Ionawr 2024 a 7 Ebrill 2024 |
Tymor ysgol yr haf tan ddiwedd tymor ysgol y gwanwyn |
| Rhwng 8 Ebrill 2024 a 31 Awst 2024 |
Tymor ysgol yr hydref tan ddiwedd tymor ysgol yr haf |
Bydd amseroedd y sesiynau yn dibynnu ar bob sesiwn, ond fel arfer byddant yn:
- 9am tan 11:30am
- 1pm tan 3:30pm
Lleoliadau Gofal Plant Dechrau'n Deg
Dewiswch dref i weld y lleoliadau gofal plant ble mae Gofal Plant Dechrau'n Deg ar gael:
Dinbych
Y lleoliadau gofal plant sydd wedi cofrestru i gyflwyno Gofal Plant Dechrau'n Deg yn Ninbych yw:
- Bumble Bees
- Cylch Capel Seion (lleoliad iaith Gymraeg)
Gallt Melyd a Prestatyn
Y lleoliadau gofal plant sydd wedi cofrestru i gyflwyno Gofal Plant Dechrau'n Deg ym Mhrestatyn yw:
- Bodnant Bach
- Clawdd Offa Bach
- Clwb Penmorfa
- Cylch Y Llys (lleoliad iaith Gymraeg)
- Miri Melyd (Gallt Melyd)
- Tiny Tots
Y Rhyl
Y lleoliadau gofal plant sydd wedi cofrestru i gyflwyno Gofal Plant Dechrau'n Deg yn y Rhyl yw:
- Beach House Day Nursery
- Beach House Fun Club
- Christ the Word nursery
- Cool Cats
- Cylch Dewi Sant (lleoliad iaith Gymraeg)
- Cylch Y Dderwen (lleoliad iaith Gymraeg)
- Fun Days nursery
- Happy Days
- Little Acorns
- Little Lambs at Emmanuel
- Cyn-ysgol Little Lambs
- Summer House
Sut i wneud cais am Ofal Plant Dechrau'n Deg
Mae gwneud cais am Ofal Plant Dechrau’n Deg ar gael ar wahanol adegau yn ystod y flwyddyn Mae’r tabl canlynol yn ymddangos pan fydd modd gwneud cais:
Argaeledd gwneud cais am Ofal Plant Dechrau’n Deg
| Dyddiad pen-blwydd y plentyn yn 2 oed | Pryd fydd modd gwneud cais |
|---|
| Rhwng 17 Ebrill 2023 and 31 Awst 2023 |
6 Hydref 2023 i 22 Rhagfyr 2023 |
| Rhwng 8 Ionawr 2024 a 31 Awst 2024 |
1 Mai 2024 i 16 Mehefin 2024 |
Gwneud cais ar-lein
Mae’r broses gwneud cais bellach yn agored ar gyfer rhieni / gofalwyr sydd â phlant sy’n cael eu hail ben-blwydd rhwng 8 Ionawr 2024 a 31 Awst 2024.
Os nad yw ail ben-blwydd eich plentyn rhwng y dyddiadau hyn, peidiwch ag ymgeisio am ofal plant gan na fyddwch yn gymwys.
Os ydych wedi colli’r dyddiad i wneud cais ar gyfer Gofal Plant Dechrau’n Deg, gallwch anfon e-bost atom ni i ddarganfod os yw Gofal Plant Dechrau’n Deg yn dal i fod ar gael.
Nod Gofal Plant Dechrau'n Deg
Nod Gofal Plant Dechrau'n Deg yw datblygu a chefnogi’r holl bethau rydych eisoes wedi ei ddysgu i’ch plentyn. Mae’n gyfle i’ch plentyn ddod i arfer gyda chwarae mewn grŵp mwy, cymryd tro, gwneud ffrindiau a datblygu eu sgiliau sylw, meddwl a gwrando wrth archwilio a chael hwyl. Byddant yn dysgu caneuon newydd a rhoi cynnig ar bethau newydd.