Datblygu Gweithlu Gofal Cymdeithasol: Diogelu
Mae deddfwriaeth yn dweud wrthym ni fod Diogelu yn gyfrifoldeb ar bawb.
Mae gan bawb yr hawl i fod yn ddiogel, waeth pwy ydyn nhw neu beth yw eu hamgylchiadau. Diogelu yw amddiffyn plant, pobl ifanc ac oedolion diamddiffyn rhag camdriniaeth neu esgeulustod. Rydym i gyd yn gyfrifol am ddiogelwch aelodau mwyaf diamddiffyn ein cymdeithas. Dyma rai adnoddau a deunyddiau hyfforddi penodol yn ymwneud â diogelu unigolion.
Bwrdd Diogelu Plant Gogledd Cymru
Mae gan y Bwrdd gyfrifoldeb cyffredinol am herio asiantaethau perthnasol yn y maes fel bod:
- Mesurau effeithiol mewn lle i ddiogelu plant
- Cydweithrediad rhyngasiantaethol ar gyfer cynllunio a darparu gwasanaethau diogelu a rhannu gwybodaeth
- Rhagweld a chanfod lle gall unigolion gael eu heffeithio a gweithio gyda darparwyr gwasanaeth i ddatblygu dull adnabod cynnar a gwasanaethau atal
- Hyrwyddo gwasanaethau cynnal aml-asiantaeth effeithiol
- Hyrwyddo dull rhyngasiantaethol i weithio gyda grwpiau cymunedol a sefydliadau lle all poblogaethau fod mewn risg o niwed
- Defnyddio hyfforddiant rhyngasiantaethol a dosbarthu dysgu ac ymchwil i helpu adeiladu gweithlu aml-asiantaeth mwy hyderus a gwybodus
Bwrdd Diogelu Oedolion Gogledd Cymru
Amcanion y Bwrdd Diogelu Oedolion yw:
- Amddiffyn oedolion o fewn yr ardal sydd ag anghenion am ofal a chymorth (p’un a yw awdurdod lleol yn diwallu unrhyw rai o'r anghenion hynny ai peidio), ac yn cael eu cam-drin neu’u hesgeuluso, neu mewn perygl o hynny
- Atal yr oedolion hynny yn ei ardal rhag bod mewn perygl o gamdriniaeth neu esgeulustod
Byrddau Diogelu Gogledd Cymru (gwefan allanol).
Adnoddau Diogelu Gofal Cymdeithasol Cymru
Mae gwefan Gofal Cymdeithasol Cymru yn rhoi trosolwg, ac yn darparu adnoddau manwl o ran Rhan 7 y Ddeddf Gwasanaethau Cymdeithasol a Llesiant (Cymru) 2014. Gallwch gael mynediad at yr adnoddau hyn ar y wefan Gofal Cymdeithasol.
Gofal Cymdeithasol Cymru: Adnoddau Diogelu (gwefan allanol).