Sir Ddinbych yn Gweithio: Diwrnod y Lluoedd Arfog
Ydych chi'n gyn-filwr sy'n chwilio am gefnogaeth, cyngor, cyfleoedd newydd neu gyfle i gysylltu ag eraill? Ymunwch â ni ar gyfer Diwrnod y Lluoedd Arfog yng Ngorsaf VIBE (Y Rhyl), gan ddod â chyn-filwyr a sefydliadau lleol ynghyd i gynnig cefnogaeth ymarferol, gwybodaeth a chyfleoedd.
Beth i’w ddisgwyl:
Yn ystod Diwrnod y Lluoedd Arfog, gallwch ddisgwyl:
- amrywiaeth o sefydliadau a gwasanaethau cefnogi mewn un lleoliad hygyrch
- cyfle i siarad yn uniongyrchol â sefydliadau am eich amgylchiadau
- cyngor a gwybodaeth ymarferol ynghylch tai, budd-daliadau, cyllid, cyflogaeth a lles
- cymorth i ddeall pa gefnogaeth y gallech fod â hawl iddo
- cyfleoedd i ddysgu am gyflogaeth a gwasanaethau lleol eraill
- gweithgareddau gan Barod, gan gynnwys gweithgaredd hamddenol ar arddull Lego
- bwyd a lluniaeth
- cyfle i gwrdd â chyn-filwyr eraill a chysylltu â nhw mewn awyrgylch croesawgar
Bydd cefnogaeth a chyngor ar gael gan y canlynol (gyda disgwyl i ragor o sefydliadau ymuno â ni):
- Combat Stress
- Help for Heroes
- Poppy Factory
- Cyngor ar Bopeth
- Gwasanaeth Tân ac Achub Gogledd Cymru
- Cyfeirwyr y Groes Goch a Woody’s
Ble bynnag y bo modd, ein nod yw sicrhau eich bod yn gadael gyda mwy na dim ond gwybodaeth. Cewch y cyfle i siarad â'r bobl iawn, nodi eich anghenion a darganfod posibiliadau ar gyfer eich cam nesaf.
Pwy all fynd?
Mae croeso i gyn-filwyr o bob cangen o'r Lluoedd Arfog.
Pryd a ble mae’r ffair swyddi nesaf yn cael ei chynnal?
Cynhelir Diwrnod y Lluoedd Arfog ddydd Mercher 28 Hydref 2026, rhwng 11am a 2pm yng Ngorsaf VIBE, y Rhyl.
Sut i gyrraedd Gorsaf VIBE.
Sut i gymryd rhan
Mae’r digwyddiad yn rhad ac am ddim; fe’ch anogir i gofrestru ymlaen llaw drwy gysylltu â ni, er mwyn ein helpu i gynllunio ar gyfer y diwrnod.
Cysylltu â ni
- Cysylltu â ni ar-lein - Cysylltwch â ni ar-lein a gofynnwch am alwad yn ôl os hoffech i ni eich ffonio chi
- Ymweld â ni - Ymwelwch â ni wyneb yn wyneb yn Gorsaf VIBE
- Ffoniwch ni - 01745 331438
Dilynwch ni