Sir Ddinbych yn Gweithio: Llwybr Gofal Plant
Mae Sir Ddinbych yn Gweithio yn cynnig llwybr hyfforddi gofal plant 12 wythnos wedi'i ariannu'n llawn, wedi’i gynllunio i'ch helpu i gynyddu hyder, datblygu sgiliau newydd, a chael gwaith â thâl o'r diwrnod cyntaf.
Cymerwch y cam cyntaf heddiw a gallech chi fanteisio ar:
- Waith â thâl tra byddwch yn hyfforddi
- Hyfforddiant llawn – does dim angen profiad
- Cefnogaeth drwy eich taith
- Cyfleoedd gwaith go iawn ar ôl gorffen
Sesiynau cyflwyno
Rydym yn cynnal dau sesiwn cyflwyniad lle gallwch ddysgu am Lwybr Cyflogaeth Gofal Plant, cwrdd â'r tîm, deall y gefnogaeth sydd ar gael, ac archwilio a yw'r lleoliad â thâl yn iawn i chi.
Pwy all fynychu?
Mae'r sesiynau cyflwyno am ddim hyn ar gyfer pobl sydd:
- eisiau archwilio gofal plant mewn amgylchedd hamddenol a chefnogol
- Yn chwilfrydig ynglŷn â meithrin hyder, sgiliau, neu ddechrau o'r newydd
- Â diddordeb mewn helpu plant i ddysgu a thyfu
- Yn ansicr beth yw eu cam nesaf ac eisiau dysgu mwy cyn ymrwymo
Nid oes angen unrhyw gymwysterau na phrofiad arnoch, dim ond meddwl agored a pharodrwydd i archwilio a allai gofal plant fod yn addas i chi.
Pryd a lle fydd y sesiynau cyflwyno’n cael eu cynnal?
Mae’r sesiynau cyflwyno Llwybr Gofal Plant yn digwydd yng Nghanolfan y Dderwen (y Rhyl) ar ddydd Iau 30 Ebrill:
- Sesiwn y bore o 10am tan 12 hanner dydd
- Sesiwn y prynhawn o 2pm tan 4pm
Dim ond un sesiwn y mae angen i chi ei fynychu.
Gwybodaeth am y lleoliad
Gwybodaeth am Ganolfan y Dderwen.
Parcio
Meysydd parcio agosaf y Cyngor yw:
Sut i gymryd rhan
Mae’r sesiynau cyflwyno Llwybr Gofal Plant am ddim, ond bydd angen i chi ein ffonio ar 01745 331438 i gadw lle os hoffech fod yn bresennol.
Mae lleoedd ar gyfer pob sesiwn yn gyfyngedig.
Help tuag at gostau gofal plant
Os oes angen cymorth gofal plant arnoch er mwyn mynychu’r sesiwn, siaradwch ag aelod o'n tîm, oherwydd efallai y gallwn helpu gyda'ch anghenion o ran gofal plant yn ystod eich lleoliad.
Cysylltu â ni
- Cysylltu â ni ar-lein - Cysylltwch â ni ar-lein a gofynnwch am alwad yn ôl os hoffech i ni eich ffonio chi
- Ffoniwch ni - 01745 331438
Dilynwch ni