Yr hyn a ddymunwn
Bod yn sefydliad Di-garbon Net erbyn 2030 a chyfoethogi ein hasedau naturiol, eu cynnal a’u gwella er budd bioamrywiaeth. Rhaid inni hefyd liniaru ar effeithiau newid yn yr hinsawdd a gweithio gyda chymunedau i ymdopi â hynny.
Yr hyn y bwriadwn ei wneud:
- Cyflawni ein Strategaeth ar Newid Hinsawdd a Newid Ecolegol a dod yn gyngor ecolegol gadarnhaol a di-garbon net erbyn 2030, gan gynnwys:
- Cynyddu’r gallu i gynhyrchu ynni adnewyddadwy mewn adeiladu y mae’r cyngor yn berchen arnynt ac yn eu gweithredu
- Lleihau allyriadau carbon o’n cadwyni cyflenwi
- Gwrthbwyso allyriadau carbon drwy blannu coed a dulliau eraill
- Ehangu’r cynefinoedd sydd ar gael ar gyfer peillio a bywyd gwyllt
- Creu mwy o ddolydd blodau gwyllt brodorol ledled y sir.
- Gwella cyfraddau ailgylchu a lleihau gwastraff drwy:
- Roi gwasanaeth gwastraff newydd ar waith
- Defnyddio llai o blastig untro mewn ysgolion
- Datblygu strategaeth gwastraff bwyd i’r sir gyda’n partneriaid, gan gyfrannu at leihau tlodi
- Cefnogi cymunedau i liniaru ar effeithiau newid yn yr hinsawdd ac ymdopi â hwy drwy:
- Ddarparu mwy o randiroedd a chyfleoedd i dyfu bwyd yn y gymuned
- Gweithredu cynlluniau i leihau’r perygl o lifogydd ar yr arfordir a’r mewndir. Mae hynny’n cynnwys cefnogaeth i reolwyr tir ar lannau dyfrffyrdd
- Annog rheoli rhostiroedd er mwyn lleihau’r perygl o danau gwyllt, gan weithio gyda pherchnogion tir, ffermwyr, cymunedau a chyrff statudol.
- Datblygu Cynllun Cludiant Cynaliadwy, sy’n gwneud teithio a thwristiaeth yn ein sir yn ‘wyrddach’, gan gynnwys llwybrau Teithio Llesol newydd sy’n annog pobl i gerdded a beicio yn eu cymunedau a thu hwnt.
- Cynnal isadeiledd gwyrdd ein sir drwy:
- Ddatblygu a gosod rhwydwaith cyhoeddus o fannau gwefru cerbydau trydan.
- Ymchwilio i ffyrdd y gall y cyngor annog datblygiadau tai newydd i gynnwys mannau gwyrdd a phwyntiau gwefru cerbydau trydan.