Esboniad o'ch bil treth y cyngor

Gwybodaeth am eich bil treth y cyngor.

Gwybodaeth am dreth y cyngor ar gyfer 2025/2026 


Taliadau treth y cyngor

Gweld y taliadau treth y cyngor ar gyfer pob Band Eiddo yn Sir Ddinbych.


Talu Treth y Cyngor

Mae’n rhaid i chi dalu treth y cyngor erbyn y dyddiad a nodir ar eich bil.

Mwy o wybodaeth am dalu


Gostyngiadau ac esemptiadau

Mae gostyngiadau ac esemptiadau ar gael a allai ostwng eich bil treth y cyngor.

Edrychwch ar y gostyngiadau a'r esemptiadau sydd ar gael


Newidiadau yn eich amgylchiadau

Os oes unrhyw newidiadau yn eich amgylchiadau a allai newid y swm sy'n daladwy gennych neu os ydych wedi symud tŷ, mae'n rhaid i chi ein hysbysu cyn gynted ag sy'n bosibl.

Rhowch wybod i ni am newid yn eich amgylchiadau


Bandiau eiddo

Mae’r swm a dalwch yn dibynnu ar y band sydd wedi cael ei ddyrannu i’ch tŷ yn unol â’i werth ar 1 Ebrill 2003.

Cyfrifwn bob band prisio fel cyfran o'r Dreth Gyngor o'i gymharu â Band D, er enghraifft, tâl Band A yw 6/9fed o dâl Band D.

Mae cyfran y dreth gyngor sydd yn cael ei dalu gan bob Band am 2023/2024 yn y tabl canlynol:

Edrychwch ar y gwerthoedd a manylion sut i apelio yn erbyn band eiddo.

Crynodeb o dreth y cyngor ar gyfer Sir Ddinbych yn eiddo band D


Apelio yn erbyn eich bil treth y cyngor

Gallwch apelio i Dribiwnlys Prisio Cymru (gwefan allanol) os ydych yn credu nad ydych yn atebol i dalu treth y cyngor oherwydd:

  • nad ydych yn credu mai chi yw'r person atebol
  • bod eich eiddo wedi'i eithrio rhag treth y cyngor
  • rydym wedi gwneud camgymeriad wrth gyfrifo’ch bil

Os ydych yn herio lefel eich band neu os ydych yn gwneud math arall o apêl yn erbyn taliad, mae’n rhaid i chi ddal i dalu’r bil presennol nes bo’r apêl wedi’i setlo.


Gofynnwch am fil mewn fformat arall

Mae biliau treth y cyngor ar gael mewn Braille, print bras ac ar gryno ddisg sain. Os hoffech dderbyn eich bil mewn fformat arall, ffoniwch 01824 706000.


I le mae’r arian yn mynd

Mae treth y cyngor yr ydych yn ei thalu yn cael ei chasglu i ddarparu'r gwasanaethau mwyaf lleol yn Sir Ddinbych ac yn cael ei rhannu rhwng tri awdurdod;

  • 80% Cyngor Sir Ddinbych
  • 17% Comisiynydd yr Heddlu a Throsedd Gogledd Cymru
  • 3% Cynghorau Dinas/Tref/Cymuned

Ffeithiau a Ffigyrau

Ar gyfer 2025/2026 bydd bil treth y cyngor ar gyfartaledd yn £2,217.08 (yn seiliedig ar eiddo cyffredinol Band D), o’i gymharu â £2,090.11 yn 2024/2025, mae hyn yn gynnydd o 6.07%.

Cynnydd yn Nhreth y Cyngor
Awdurdod2024/20252025/2026Cynnydd
Cyngor Sir Ddinbych £1,678.75 £1,779.48 6%
Comisiynydd yr Heddlu a Throsedd Gogledd Cymru £349.65 £372.15 6.44%
Cynghorau Dinas/Tref/Cymuned (Cyfartaledd) £61.71 £65.45 6.05
Cyfanswm yr addasiad £2,090.11 £2,217.08 6.07%

Cyllideb Refeniw

Ein cyllideb ar gyfer 2025/26 yw £290.735 miliwn sy’n £19.713 miliwn yn fwy na chyllideb y llynedd o £271.022 miliwn.

Mae hyn yn cael ei rannu fel y ganlyn:

  • Chwyddiant / Pwysau: +£23,261,000
  • Grantiau bellach wedi’u cynnwys neu eu trosglwyddo allan o'r setliad: +£372,000
  • Buddsoddiad i gefnogi penderfyniadau blaenorol y Cyngor/Cabinet: +£250,000
  • Effeithlonrwydd/Arbedion: -£4,170,000

Mae’r gyllideb o £290.735m yn £3.796m uwchben yr Asesiad Gwario Safonol sef £286.939m – amcangyfrif Llywodraeth Cymru o’r hyn sydd ei angen i ddarparu ‘lefel gwasanaeth safonol’.

Mae Llywodraeth Cymru wedi gadael y penderfyniad terfynol ar lefel y gwariant a threth y cyngor i gynghorau i’w galluogi i fynd i’r afael â’r broblem o ddiffyg darpariaeth gwasanaethau ac i gydnabod methiant yn null dyrannu arian y Cynulliad.

Cyllid Cyngor Sir Ddinbych

Mae cyllid Cyngor Sir Ddinbych yn dod o:

  • Llywodraeth Cymru 54%
  • Grantiau penodol 15%
  • Treth y Cyngor 19%
  • Incymau eraill 12%
  • Cyllid wrth Gefn 0%
Balansau

Dechreuodd y Cyngor y flwyddyn gyda balansau cyffredinol o £5.531m.

Gosodwyd cyllideb 2025/2026 heb ddefnyddio cronfeydd wrth gefn.

Gwariant cyfalaf

Mae gwariant cyfalaf yn cyfeirio at wariant ar asedau, megis gwelliannau i’r ffyrdd, a ddisgwylir i gael budd a fydd yn para mwy na blwyddyn.

Mae gan daliadau a wneir i sefydliadau allanol ac unigolion fuddion tymor hir tebyg, megis tal grantiau gwella cartrefi, yn cael eu trin fel gwariant cyfalaf hefyd

Yn 2025/26 mae disgwyl i wariant o £43.4m gael ei ysgwyddo. Bydd gwariant mawr yn cael ei wneud ar gynlluniau amddiffyn yr arfordir, gwaith adeiladu ysgolion, gan gynnwys Iechyd a Diogelwch a chynlluniau Codi'r Gwastad.

Gellir dadansoddi eitemau mawr o wariant cyfalaf disgwyliedig fel y ganlyn:

  • Gwaith Adeiladu Ysgolion gan gynnwys Iechyd a Diogelwch: £9.1m
  • Grantiau Gwelliannau i Dai: £1.5m
  • Priffyrdd, Fflyd, Pontydd a Gwaith i Leddfu Llifogydd: £3.6m
  • Cynllun Amddiffyn Arfordir Canol Prestatyn: £6.7m
  • Cynllun Amddiffyn Arfordir Canol y Rhyl: £11m
  • Cynlluniau Codi’r Gwastad: £4.4m
  • Gwaith Cynnal a Chadw Hanfodol a Mân addasiadau: £1.2m
  • Gosod dwy ysgubor halen: £1.7m
  • Cynlluniau gostwng carbon: £1m
  • Gwasanaeth Gwastraff a depos: £1m
  • Cyfanswm yr Eitemau Sylweddol: £41.2m
  • Arall: £2.2m
  • Cyfanswm y Rhaglen Arfaethedig: £43.4mm
Crynodeb o gyllideb Cyngor Sir Ddinbych 2025/2026
Gyllideb 2025/2026
GwasanaethGwariant GrosIncwmGwariant Net
Cyllid Dirprwyedig Ysgolion £107,461,000 £13,500,000 £93,961,000
Addysg a Gwasanaethau Plant £39,854,000 £11,656,000 £28,198,000
Gwasanaethau Priffyrdd ac Amgylchedd £30,804,000 £10,383,000 £20,421,000
Gwasanaethau Cyllid ac Archwilio £5,334,000 £2,263,000 £3,071,000
Cynllunio, Gwarchod y Cyhoedd a Gwasanaethau Cefn Gwlad £20,016,000 £8,442,000 £11,574,000
Gwasanaethau Gofal Cymdeithasol Oedolion a Digartrefedd £85,658,000 £22,331,000 £63,327,000
Gwasanaethau Cymorth Eraill £25,045,000 £6,667,000 £18,378,000
Corfforaethol ac Amrywiol £53,666,000 £29.271,000 £24,395,000
Codi Cyfalaf £21,068,000 £936,000 £20,132,000
Ardollau £7,278,000 £0 £7,278,000
Cyfanswm £369,184,000 £105,449,000 £290,735,000
Ariennir gan:
  • Ariannu Llywodraeth Cymru: £215,252,000
  • Talwr Treth y Cyngor: £75,483,000
  • Defnydd o Gweddillion: 0

Cyfanswm: £290,735,000


Comisiynydd yr Heddlu a Throsedd Gogledd Cymru

Mae Comisiynydd yr Heddlu a Throsedd Gogledd Cymru yn gosod eu helfen eu hunain o Dreth y Cyngor (a elwir yn praesept).

Ar gyfer 2025/2026 maent wedi penderfynu cynyddu’r cyllid o 8.03%, sy’n arwain at gynnydd yn elfen treth y cyngor o 6.44%.

Mae’r elfen hon tu hwnt i reolaeth y cyngor Sir.

Mae'r tabl canlynol yn dangos taliadau 2025/2026 ar gyfer Comisiynydd Heddlu a Throseddu Gogledd Cymru:

Taliadau 2025/2026 ar gyfer Comisiynydd Heddlu a Throseddu Gogledd Cymru
Band trethTaliadau ar gyfer Comisiynydd Heddlu a Throseddu Gogledd Cymru
A £248.10
B £289.45
C £330.80
D £372.15
E £454.85
F £537.55
G £620.25
H £744.30
I £868.35

Mae’r elfen hon tu hwnt i reolaeth y cyngor Sir.

Dysgwch ragor ar wefan Comisiynydd yr Heddlu a Throsedd Gogledd Cymru (gwefan allanol)


Cynghorau Dinas, Tref a Chymuned

Mae gan gynghorau dinas, tref a chymuned awdurdod i osod eu helfennau treth y cyngor eu hunain.

Praesept

Y praesept yw cyfran y cyngor dinas, tref a chymuned o dreth y cyngor. Mae’r galw praesept yn mynd i’r awdurdod bilio, sy’n casglu treth ar gyfer y cyngor dinas, tref a chymuned. Mae’r praesept yn cael ei drosi i swm fesul band treth y cyngor sy’n cael ei ychwanegu at y bil treth y cyngor.

Telir y swm net (y praesept) i’r cynghorau dinas, tref a chymuned mewn dau randaliad fesul chwe mis.

2025/2026 praesept a thaliadau cyngor tref, dinas neu gymuned
Dinas, tref neu chymunedSwm y praeseptTâl cyngor tref, dinas neu gymuned
Aberwheeler £5,350 £28.16
Betws Gwerfil Goch £4,074 £24.54
Bodelwyddan £60,000 £58.14
Bodfari £16,540 £76.22
Bryneglwys £6,195 £35.00
Cefn Meiriadog £7,319 £34.04
Clocaenog £6,300 £48.09
Corwen £132,575 £123.33
Cyffylliog £13,530 £55.00
Cynwyd £13,200 £44.30
Dinbych £261,240 £70.00
Derwen £8,001 £32.00
Dyserth £51,750 £43.93
Efenechtyd £8,198 £26.28
Gwyddelwern £4,086 £18.00
Henllan £18,270 £45.00
Llanarmon yn Ial £23,562 £36.87
Llanbedr Dyffryn Clwyd £20,160 £38.69
Llandegla £10,446 £31.00
Llandrillo £10,086 £30.84
Llandyrnog £12,993 £24.29
Llanelidan £6,048 £34.17
Llanfair Dyffryn Clwyd £24,000 £36.25
Llanferres £25,075 £59.42
Llangollen £169,816 £87.67
Llangynhafal £5,250 £14.71
Llanrhaeadr £18,744 £33.00
Llantysilio £12,720 £47.82
Llanynys £10,035 £26.00
Nantglyn £8,169 £47.77
Prestatyn £634,875 £79.50
Rhuddlan £199,674 £116.70
Y Rhyl £580,000 £58.15
Rhuthun £195,000 £75.14
Llanelwy £169,940 £101.15
Trefnant £6,963 £9.99
Tremeirchion £21,000 £30.26

Dysgwch sut i gysylltu â chyngor dinas, tref a chymuned

Gwybodaeth am dreth gyngor y flwyddyn flaenorol