Mae Cyngor Sir Ddinbych yn falch o fod wedi sicrhau £10.95 miliwn o Rownd 2 Cronfa Adfywio Leol Llywodraeth y DU i gefnogi datblygu 10 prosiect sydd â’r bwriad o warchod treftadaeth unigryw Rhuthun, cefnogi cymunedau gwledig a chefnogi lles.
Roedd y cynllun cyllid hwn ar agor i awdurdodau lleol gyflwyno cynigion ynghlwm â themâu adfywio, treftadaeth neu gludiant.
Cefnogwyd y cynigion oedd wedi’u cynnwys ar gyfer Rhuthun ac ardaloedd gwledig cyfagos gan gyn AS yr etholaeth, David Jones, ac aelodau etholedig lleol.
Mae Cyngor Sir Ddinbych yn gyfrifol am gyflawni 8 o’r prosiectau. Bydd Cenhadaeth Dyffryn Clwyd yn cyflawni prosiect Eglwys a Chlwystai Sant Pedr a bydd Cymdeithas Canolfan Iâl Bryneglwys yn cyflawni prosiect Ysgol Bryneglwys – Canolbwynt Cymunedol.
Amhariadau ar ddigwyddiadau yn Rhuthun
Os ydych chi’n bwriadu cynnal digwyddiad yn Rhuthun, mae’n bosibl y bydd gwaith ar brosiectau Rownd 2 Cronfa Adfywio Leol yn effeithio arno. Mae rhagor o wybodaeth am amhariadau ar ddigwyddiadau ar gael ar ein tudalen we cynnal digwyddiad yn Sir Ddinbych.
Prosiectau
Mae'r rhestr lawn o brosiectau i’w gweld isod.
Rownd 2 y Gronfa Adfywio Leol: Rhuthun ac ardaloedd cyfagos
| Enw'r Prosiect / Gweithgaredd | Lleoliad | Disgrifiad |
|---|
| Sgwâr Sant Pedr |
Rhuthun |
Cyngor Sir Ddinbych sydd yn cyflawni’r prosiect hwn. Mae OBR Construction yn gwneud y gwaith.
Cynllun o welliannau i’r parth cyhoeddus i wella llif cerddwyr a thraffig o amgylch y sgwâr a hwyluso lle canolog mwy hyblyg i gynnal digwyddiadau.
Disgwylir cwblhau’r prosiect ym mis Chwefror 2027.
|
| Eglwys a Chlwystai Sant Pedr |
Rhuthun |
Cenhadaeth Dyffryn Clwyd fydd yn cyflawni’r prosiect hwn.
Gwelliannau er mwyn gwarchod yr adeiladau treftadaeth hyn yn well a sicrhau eu bod yn fwy hygyrch i bawb.
|
| Tŵr Cloc Rhuthun |
Rhuthun |
Cyngor Sir Ddinbych sydd wedi cyflawni’r prosiect hwn.
Rhaglen o waith atgyweirio ac adnewyddu i dŵr y cloc.
Cwblhawyd y gwaith adeiladu ym mis Rhagfyr 2024.
|
| Carchar Rhuthun/46 Stryd Clwyd |
Rhuthun |
Cyngor Sir Ddinbych fydd yn cyflawni’r prosiect hwn.
Mae tîm prosiect wedi’i sefydlu.
Bydd mynedfa newydd i adeilad rhestredig gradd 2* Carchar Rhuthun yn cael ei hychwanegu drwy 46 Stryd Clwyd gyda gwell cyfleusterau ar gael i’r cyhoedd.
|
| Nantclwyd-y-Dre, Rhuthun |
Rhuthun |
Cyngor Sir Ddinbych fydd yn cyflawni’r prosiect hwn.
Mae tîm prosiect wedi’i sefydlu.
Adfer yr adain orllewinol restredig gradd 1 sydd wedi dadfeilio.
|
| Cae Ddôl, Rhuthun |
Rhuthun |
Cyngor Sir Ddinbych sydd yn cyflawni’r prosiect hwn. Mae OBR Construction yn gwneud y gwaith.
Cynllun o welliannau i’r parth cyhoeddus sy’n ceisio gwella cysylltedd drwy’r parc a rhwng y parc a chanol y dref.
Gwelliannau i’r cynnig hamdden o fewn y parc, a gosod trac pwmpio newydd.
Disgwylir cwblhau’r prosiect ym mis Hydref 2026.
|
| Cyfleusterau a Llwybrau Beicio Moel Famau |
Moel Famau |
Cyngor Sir Ddinbych fydd yn cyflawni’r prosiect hwn.
Mae tîm prosiect wedi’i sefydlu.
Bydd y prosiect yn creu cyfleusterau toiledau a lluniaeth newydd a gwell. Bydd llwybrau beicio’n cael eu hymestyn a’u rheoli’n gynaliadwy.
Mae cais cynllunio wedi’i gyflwyno.
|
| Adeilad ac Ardal Allanol Loggerheads |
Loggerheads |
Cyngor Sir Ddinbych fydd yn cyflawni’r prosiect hwn.
Mae tîm prosiect wedi’i sefydlu.
Gwelliannau i’r adeilad presennol yn cynnwys gwelliannau mewnol ac ardal fwy dan do y tu allan. Mesurau rheoli llifogydd.
Cafwyd caniatâd cynllunio yn Tachwedd 2024.
|
| Ysgol Bryneglwys - Canolbwynt Cymunedol |
Bryneglwys |
Cymdeithas Canolfan Iâl Bryneglwys fydd yn cyflawni’r prosiect hwn.
Trawsnewid hen adeilad ysgol yn ganolfan gymunedol newydd.
Gwaith adeiladu wedi dechrau fis Gorffennaf 2024.
|
| Gwyddelwern - Canolbwynt Cymunedol |
Gwyddelwern |
Cyngor Sir Ddinbych fydd yn cyflawni’r prosiect hwn.
Mae tîm prosiect wedi’i sefydlu.
Bydd canolbwynt cymunedol newydd, effeithlon o ran ynni yn cynyddu’r ystod o gyfleusterau sydd yn y pentref.
Cafwyd caniatâd cynllunio yn Rhagfyr 2024.
|
Tudalennau cysylltiedig